EEEL: zerga garrantzia duen bestelako informazioa Nola bete "Zerga garrantzia duen bestelako informazioa" kapitulua

Atal honetan, garatutako jarduera ekonomiko bakoitzaren izakinen aldaketa erregistratu behar da, hasierako eta amaierako izakinen balorazioa adierazita.

"Zerga garrantzia duen bestelako informazioa" kapituluan aurkitutakoan, sakatu "Zenbatespen metodoa/Izakinen aldaketak" erlaitzean, eta sakatu "Zenbatespen metodoa/Izakinen aldaketak gehitu" botoia.
Bete itzazu agertzen diren eremuak: izakinen eraginpeko jarduera, PFEZaren arabera dagokion zenbatespenaren metodoa (zuzeneko zenbatespen normala edo erraztua), bai eta hasierako eta azken izakinak ere. Hasierako edo azken izakinik ez badago, bete 0rekin.


Azkenik, sakatu gorde.

"Negozio-lokalen errentamenduak" atala errentatzaileak bete behar du soilik higiezinen errentamendu-jarduera ekonomikoa PFEZren ondorioetarako dagoenean eta etekinak atxikipenari lotuta ez daudenean. Kasu horretan, errentatzaileak higiezinari eta errentariari buruzko datuak bete behar ditu.

"Zerga-garrantzia duen bestelako informazioa"-ren kapituluan aurkitu ondoren, sakatu "Negozio-lokalen errentamendua" erlaitzean, eta sakatu "Gehitu beste negozio lokalen errentamendua" botoia.

 
Errentarien identifikazioa jaso behar da, bai eta katastroko erreferentziak edo zenbaki finkoak, errentan hartutako higiezinak aurkitzeko beharrezko datuak eta jasotako hiru hilean behingo kopurua ere.
Azkenik, sakatu gorde.

Atal honetan, higiezinen eskualdaketengatik kontraprestazio gisa jasotzen diren zenbatekoak adierazi behar dira, Balio Erantsiaren gaineko Zergari lotutako entregak badira.

"Zerga-garrantzia duen bestelako informazioa" kapituluan aurkitutakoan, sakatu "BEZari lotutako higiezin-eskualdaketak" fitxa eta "Gehitu BEZari lotutako higiezin-eskualdaketak" botoia. Bete itzazu eroslearen datuak eta dagokion hiruhilekoan ordaindutako zenbatekoa. Zenbatekorik gabeko hiruhilekoak badaude, adierazi 0 kopurua.
Azkenik, sakatu gorde.

Atal honetan, pertsona edo erakunde batek ekitaldian zehar dirutan jasotako 6.000 eurotik gorako zenbatekoak adierazi behar dira.

"Zerga garrantzia duen bestelako informazioa" kapituluan aurkitu ondoren, sakatu "Eskudirutan emandako 6.000 eurotik gorako zenbatekoak" erlaitzean, eta sakatu "Gehitu 6.000 eurotik gorako beste zenbateko bat, eskudirutan" botoia.
Bete itzazu eroslearen datuak eta dagokion hiruhilekoan jasotako zenbatekoa. Zenbatekorik gabeko hiruhilekoak badaude, adierazi 0 kopurua. Azkenik, sakatu Gorde.