Artikulua

Zer jotzen da prezio geroratuko salmenta edo eskualdaketatzat? Nola egozten dira errentan?

Ondoz ondoko ordainketen bidez osorik edo zati batez jasotzen deneko prezioa duten eragiketak jotzen dira geroraturiko prezioko eragiketatzat, ematea edo ondasuna hartzailearen eskura jarri eta azken epearen mugaegunaren artean urtebete baino gehiago igaro bada.

Aukera: Irabazi osoa eskualdaketa izan deneko urtean egotz daiteke, edo proportzioan itundutako prezioa kobratzen den urteetan.

Eskualdaketaren urtean, ondarearen irabazia aitortu behar da, eta “ekitaldian jasotako diru-kopurua” laukitxoan ekitaldian guztia edo soilik jasotakoa jarri behar da. Bigarren kasu honetan, eskualdaketa horrengatik berriz ere diru-kopuruak kobratzen diren ekitaldietan, berriz ere agerraraziko da ondare irabazia eta jasotako diru-kopurua

ERRENTAREN ZIRRIBORROA ALDATU BEHAR DUZU?

Atal honetan, prezio geroratua duten ondasunen eskualdaketa sartuko dugu, zergadunak erabakitzen duenean irabazia proportzionalki egoztea hitzartutako prezioa kobratzen den urteetan.

Beharrezko dokumentazioa

Prezio geroratua jasotzen duen erosketa-eskritura, baldin eta administrazio honetan jasota ez badago.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.

Ordainketa geroratua duten ondasunen eskualdatzearen adibidea

ADIBIDEA

Higiezinaren salmenta2020an, 120.000 euroan, eta salmentaren zatikako kobrantza 4 urtetan (2020/07/07, 2021/07/07, 2022/07/07 eta 2023/07/07), 30.000 euroko zenbatekoarekin:

2004/06/06an erosi zuen ondasuna, eta salmentaren egunean 100.000 €-ko balio eguneratua zuen.

2020an horrela adierazi zuen irabazia: