BATUZ. EGIN ZURE FAKTURA LAGUNTZA

Serieen kudeaketa

Fakturazio Erregelamenduaren arabera, fakturak serie bereizien bidez jaulki ahal izango dira hori justifikatzen duten arrazoiak daudenean, hala nola eragiketak egiteko hainbat establezimendu daudenean, edo izaera desberdineko eragiketak egiten direnean. Nolanahi ere, nahitaezkoa izango da faktura zuzentzaileak edo faktura sinplifikatuak serie espezifikoetan ematea.

Goiko menuan hautatu SERIEEN KUDEAKETA/KUDEAKETA (1) eta hautatu jarraian SERIE BERRIAREN ALTA (2) botoia:

Pantaila honetan nahitaez bete behar dira Izena eta deskribapena eremuak. Gainerakoak aukerakoak dira.

1. Izena: Seriearen izena. Serie guztiek BFAtik hasi behar dute
2. Deskribapena: Seriearen deskribapena.
3. Zuzentzailea: faktura zuzentzailea bada bakarrik adierazten da.
4. Sinplifikatua: Seriea hartzailerik gabeko fakturak igortzeko den ala ez bakarrik adierazten da.

Hartzaileen kudeaketa

Fakturaren tramitazioa arintzeko, hartzailerik edo bezerorik ohikoenak gorde ditzakezu.

Goiko menuan, hautatu KUDEAKETA/KUDEAKETA HARTZAILEA (1) eta hautatu ondoren JASOTZAILE BERRIAREN ALTA (2) botoia:

Bete beharreko eremu batzuk zabalduko dira, batzuk aukerakoak eta beste batzuk derrigorrezkoak: helbidea, izena, identifikazio-dokumentua eta dokumentu mota (IFZ, pasaportea...).
Azkenik, sakatu "Gorde" botoia.

Nola sortu FAKTURA ARRUNTA Nola sortu FAKTURA ZUZENTZAILEA

Bilatu faktura EGIN ZURE FAKTURAn

Jaulkitako zein zirriborroko fakturak kudeatzeko eta kontsultatzeko, sakatu "Fakturak kontsultatu" botoia.
Fakturaren egoera (1) hauta dezakezu: jaulkitakoa, zirriborroa...
Era berean, zure fakturaren bilaketa iragaz dezakezu hainbat irizpideren arabera (2): bidalketa-data, hartzailea, seriea...
Bilaketa-parametroak sartu ondoren, sakatu "Bilatu".
 

Sakatu kudeatu nahi duzun fakturaren lerroaren eskuineko muturrean dagoen botoia. Hainbat aukera dituen goitibeherako taula bat agertuko da:

1. Beste faktura batetik alta ematea: oso aukera erabilgarria da fakturak aurretik jaulkitako beste baten antzekoak direnean.
2. Deskargatu faktura PDF formatuan: posta elektronikoz bidaltzeko edo inprimatzeko moduko formatuan deskargatzeko aukera ematen du.
3. Baliogabetu faktura
4. Ikusi xehetasuna: fakturan erregistratutako eremu guztien xehetasunetara sartzen da
5. TBAI fitxategia deskargatu
6. Faktura zuzentzailea jaulkitzea: aldatu nahi den faktura batera sartzeko aukera ematen du.

EEELn fakturen zerrenda bilatu eta atera

Eragiketa Ekonomikoen Erregistro-Liburutik kontsulta ditzakezu dagoeneko egindako fakturak. Sartu zure EEELn eta sartzeko gakoa sartu. EEELren barruan zaudela, fakturak atxikita dituzun jarduera edo jarduerak hautatu behar dituzu (1); Jaulkitako diru-sarrerak eta fakturak kapitulua hautatu (2); ondoren, behean zabaldu den koadroan, bilaketa egiteko irizpideak sartu behar dituzu (seriea, faktura-zenbakia, bidalketa-data, bezeroa...), bilaketa mugatzeko egokitzat jotzen dituzunak (3); azkenik, BILATU botoia sakatu (4).

 

Definitu ditugun irizpideen arabera fakturak iragazi ondoren, zerrenda CSV formatuan deskarga dezakegu, dagokion botoia sakatuta.