web
Lineaz kanpo zaude. Orriaren bertsio hau irakurtzeko soilik da.
close

ERRENTA: KENKARIAK BATUZ sistema ezartzeagatiko kenkaria

Jarduera ekonomikoak egiten dituzten zergadunek, BATUZen ezarpena sustatzeko, eta Batuz sistemaren behin betiko ezarpena agintzeko neurriak onartzen dituen 8/2023 Foru Arauan aurreikusitakoa kontuan hartuta, 2020tik 2025era bitartean % 30eko kenkaria aplika daiteke  PFEZaren e gaineko Zergaren kuotan honako gastu edo inbertsio hauei dagokienez:
  • Ekipoak eta terminalak erostea, softwarea eta lotutako periferikoak barne, eta horiek ezartzea eta instalatzea.
  • Beharrezko sinadura elektronikoko softwarea eskuratzea, bai eta softwarea ezartzea eta instalatzea ere.
Zein gastu eta inbertsio dira kengarriak?
Kenkariak 2020tik 2023ra bitarteko urte naturaletan Batuz sistema ezarri ahal izateko egindako jarduerei dagozkien gastuak eta inbertsioak barne hartzen ditu; hau da, zergadunak 2024ko urtarrilaren 1etik aurrera BATUZ sistema aplikatu ahal izateko beharrezkoak diren softwarea eta ekipo informatikoak hornitzeko prozesua. Bereziki, honakoengatik aplikatu ahal izan da kenkaria:
  • Ekipoak eta terminalak eskuratzea, lotutako softwarea eta periferikoak barne; adibidez: fakturatzeko ordenagailuak, tabletak, edo mugikorrak, QR koderako inprimagailuak, TPVak.
  • Ezarri beharreko sinadura elektronikorako softwarearen erosketa, jardueraren garapenean egindako ondasun-emateak eta zerbitzu-prestazioak dokumentatzen dituzten erregistroekin lotutako betebeharrak betetzeko.
  • Aurreko ekipoak eta sistemak instalatzea eta ezartzea.
Kenkariaren oinarria Batuz proiektuarekin lotutako sistema informatikokoak egokitzeko izandako kostuaren arabera zehaztuko da (proiektu horrek fakturazio-sistemari eta enpresa baten kontabilitatea eramateari eragiten dio funtsean), eta ez dira beste gai batzuk kontuan izango (adibidez, langileen kudeaketa, biltegiaren kontrola, kobrantzen eta ordainketen kudeaketa, eta abar).
Zein dira kenkariaren ezaugarriak eta baldintzak?
  • Jarduera ekonomikoen etekinek osatutako zerga-oinarri orokorretik dagokion PFEZaren kuota osoaren gainean aplikatuko da kenkaria.
  • Kenkaria xede diren gastu eta inbertsioak finantzatzeko diru-laguntzarik jaso bada, kenkariaren oinarria murriztu egingo da zenbateko honetan: 100en eta aplikatu beharreko batez besteko karga-tasa orokorraren arteko aldearen % diru-laguntza horien gainean aplikatzearen ondoriozko zenbatekoan.
  • Kuota nahikoa ez izateagatik kendu gabeko zenbatekoak, hurrengo 30 urteetan aplikatu ahal izango dira.
  • Kenkaria aplikatu ahal izateko, beharrezkoa da berariaz hura aplikatzea hautatzea aitorpena aurkeztean. Zergadunek, hala ere, baliatu duten aukera aldatu ahal izango dute, behin zerga aitortzeko borondatezko epea amaitu ondoren eta aldez zerga-administrazioak aurretiko errekerimendurik egin ez badu.
Zer bateraezintasun ditu kenkari horrek?
  • Bateraezina da inbertsio edo gastu berberekin lotutako beste zerga-etekin batzuekin, amortizazio-askatasunari, amortizazio bizkortuari eta baterako amortizazioari dagokienez izan ezik.
  • Bereziki bateraezina da tokiko merkataritzaren digitalizazioa sustatzeko kenkariarekin.
  • Nolanahi ere, borondatezko aldian BATUZ sistema betetzen duten zergadunek (TicketBAI fakturak egitea liburuaren gestioa egitea egoitzan), kenkari honetaz gainera, aplikatu ahal izango dute, egiten dituen jardueratako bakoitzetik eratorritako etenkin positiboaren gaineko konpentsazio bat. Murrizketaren ehunekoa aldatu egingo da borondatez BATUZ betetzen hasten den unearen arabera.
Kenkarirako baldintza al da 2020. urtetik 2025. urtera bitartean TicketBAI fakturak jaulkitzea?
Ez. Batuz kenkariaren oinarriahonako hau da:  zergadunak 2020tik 2025era bitarteko urte naturaletan egin dituen inbertsioak eta gastuak dira, Batuz sistemaren nahitaezko aplikazioa dagokion aldian betetzeko, nahiz eta, hala badagokio, zergadunak 2020tik 2025era bitartean TicketBAI sistemarekin bere borondatez fakturak jaulki edo ez.

Hala ere, kenkari hau aplikatzeko, TicketBAI sistemarekin fakturak jaulkitzeko betebeharra ez izateak ez du salbuesten Bizkaiko Foru Aldundiaren egoitza elektronikoan eragiketa ekonomikoen erregistro-liburua eramateko betebeharretik.
 
Zein alditan dut konpentsazioa jasotzeko eskubidea?
2024/01/01etik aurrera, Batuz-i nahitaez atxiki behar zaio, arian-arian, egutegi jakin baten arabera.
Zergadun batek konpentsazio-eskubidea zein alditan duen jakiteko, erabakigarria da Batuz-en NAHITAEZ SARTZEKO DATA ezagutzea; izan ere, Batuz-en GUTXIENEZ 6 HILABETE LEHENAGO BORONDATEZ sartzen direnek baino ez dute hura aplikatzeko eskubidea. 

- Batuz-i borondatez atxikitzen bazaio 2024/01/01etik edo lehenago:
 
Betebeharraren data 2024ko konpentsazioa  2025ko konpentsazioa
2024/07/01 10% EZ
2025/01/01 10% EZ
2025/07/01 10% 10%
2026/01/01 10% 10%


- Batuz-i borondatez atxikitzen bazaio 2024/07/01etik aurrera:
 
Betebeharraren data 2024ko konpentsazioa  2025ko konpentsazioa
2025/01/01 10% EZ
2025/07/01 10% 10%
2026/01/01 10% 10%
- Batuz-i borondatez atxikitzen bazaio 2025/01/01etik aurrera:
 
Betebeharraren data 2024ko konpentsazioa  2025ko konpentsazioa
2025/07/01 EZ 10%
2026/01/01 EZ 10%


- Batuz-i borondatez atxikitzen bazaio 2025/07/01etik aurrera:
 
Betebeharraren data 2024ko konpentsazioa  2025ko konpentsazioa
2026/01/01 EZ 10%

ERRENTA ZIRRIBORROA ALDATU BEHAR DUZU?

Jarduera ekonomikoak burutzen dituzten zergadunek "Batuz sistemaren ezarpena sustatzeagatiko kenkaria" atalean jaso ahal izango dute kenkari hori aplikatzeko beharrezkoa den informazioa.
Beharrezko dokumentazioa
  • Gastuen eta egindako inbertsioen fakturak.
Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola ikusi dokumentu bakar batean nire adierazpen osoa?
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Deitu, eta zure zalantzak argituko ditugu
946 125 500
Errenta webgunerako sarbidea
 
Aurrez aurreko arreta nahiago baduzu 

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?