Artikulua

Zein zergaduni aplikatzen zaizkio inbertsioagatiko eta beste jarduera batzuengatiko kenkariak?

PFEZaren zergadunei, baldin eta zuzeneko zenbatespen metodoaren bidez (ohikoa edo sinplifikatua) jarduera ekonomikoak egiten badituzte.

Zein dira PFEZn aplikagarriak diren inbertsioengatiko eta beste jarduera batzuengatiko kenkariak?

13/2013 Foru Arauaren 88. artikuluak ezartzen duen bezala, PFEZ ordaindu behar duten zergadunek Sozietateen gaineko Zergari buruzko Foru Arauaren V. tituluko III. kapituluan eta hamabosgarren xedapen gehigarrian araututako kenkariak aplikatu ahal izango dituzte, kenkarien ehuneko eta muga berdinekin.

Aktibo ez-korronte berrietan egindako inbertsioengatik (61. artikulua).
Ikerketa- eta garapen-jarduerak egiteagatiko kenkariak (62. artikulua).
Berrikuntza teknologikoko jarduerengatiko kenkariak (63., 64. eta 64 bis artikuluak).
Garapen jasangarria, ingurumenaren kontserbazioa eta hobekuntza eta energia-iturrien erabilera eraginkorragoa sustatzeko proiektuekin lotutako inbertsio eta gastuengatiko kenkariak (65. artikulua).
Enplegua sortzeagatiko kenkaria (66. artikulua).
Kenkaria, mikroenpresetan, enpresa txikietan edo enpresa ertain sortu berrietan, berritzaileetan edo zilarrezko ekonomiari lotutakoetan inbertitzeagatik. 66.bis artikulua.
Lanbide-heziketako gastuengatiko kenkaria, zilarrezko ekonomiaren eta zaintzaren ekonomiaren eremuan. 66 ter artikulua.
Kultura sustatzeko pizgarria. 66 quater artikulua.
Ikus-entzunezko lanen eta arte eszenikoen eta musikalen zuzeneko ikuskizunen eta liburuen argitalpenaren finantzaketan parte hartzea. 66 quinquies artikulua.
Kenkaria bizitza pertsonala, familia eta lana bateragarri egiteko neurriak ezartzeagatik. 66 sexies artikulua.
Kenkaria borondatezko gizarte-aurreikuspeneko entitateetan integratutako gizarte-aurreikuspeneko lehentasunezko planei egindako enpresakontribuzioengatik. 66 septies artikulua.
Kenkaria enpleguko gizarte-aurreikuspeneko sistemei egindako enpresa-kontribuzioengatik. 66 octies artikulua.
Kenkaria hiriko bizikletetan inbertitzeagatik eta haiek aparkatzeko egokitutako instalazioetan inbertitzeagatik. 66 nonies artikulua.
Kenkaria emakumeen eta 36 urtetik beherakoen enplegua sortzeagatik. 66 decies artikulua.

Nola arautzen da aktibo ez-korronte berrietan egindako inbertsioengatiko kenkaria?

Pizgarria jaso dezaketen ondasunak:

Ibilgetu materialaren edo higiezinetako inbertsioen parte diren aktibo ez-korronte berriak.
Informatika-aplikazio berrietan egindako inbertsioak(softwarea).
Industria-pabilioi birgaituak eskuratzea, haien transmisiorako.
Industria-pabilioiak eskuratzea, birgaitzeko.
Enpresaren aktiboan integratutako industria-pabilioiak birgaitzea.
Errentariak errentan hartutako elementuan egindako hobekuntzak/inbertsioak.

Baldintzak:

Aktibo ez-korrontearen barruko kontabilizazioa
Amortizazioaren gutxieneko epea 5 urte da, informatika-aplikazioen kasuan izan ezik, horiek 2-5 urte bitartean amortizatzen dira.
Zenbait garraiobideren gaineko zerga berezia ez ordaintzea.
Ekitaldi bakoitzean inbertsioa egingo den aktiboek gainditzea ibilgetu materialaren eta ondasun higiezinetako inbertsioen aktibo ez-korronteen eta informatika-aplikazioei dagokien ibilgetu ukiezinaren aldez aurreko balio garbien % 10, amortizazioak eta kontabilizatutako balio-narriaduragatiko galerak kendu eta gero, edo, bestela, 5 milioi eurotik gorakoak izatea. Kenkariaren ehunekoa % 10, oro har. % 5 hobekuntzetan. % 5 errentariak errentapeko elementuan egindako inbertsioetan.

Kenkariaren ehunekoa

% 10, oro har.
% 5 hobekuntzetan.
% 5 errentariak errentan emandako elementuan egindako inbertsioetan

Nola arautzen da ikerketako eta garapeneko jarduerak egiteagatiko kenkaria?

Pizgarria jaso dezaketen jarduerak:
Jarduera horietako bakoitza Sozietateen gaineko Zergari buruzko Foru Arauaren 62. artikuluan definituta daude, eta honela daude izendatuta:

'Oinarrizko ikerketa '.
' Ikerketa aplikatua '.
' Garapen esperimentala '.
' Software aurreratua '.

Dokumentazioa.
Jarduera berrikuntza teknologikoko jarduera gisa kalifikatzen duten baldintza zientifiko eta teknologikoak betetzen direla justifikatzeko, txosten arrazoitua aurkeztu ahal izango da, gaiaren arabera eskumena duen Eusko Jaurlaritzako sailak edo Bizkaiko Foru Aldundiak emana, edo horiei atxikitako organismo edo erakunderen batek egina. Txosten horrek gastu eta inbertsioen zenbatekoa identifikatu behar du.

Kenkariaren ehunekoa:

Ikerketa-gastuen % 30.
Ingurumen-inpaktu negatiboa nabarmen murrizteari lotutako gastu eta inbertsioen % 35. Ehuneko hori handitu ahal izango da Sozietateen gaineko zergaren 62.4 artikulua.
% 20 gehiago, ingurumen-inpaktu negatiboa murrizteari lotutako I+G jarduerak egiten dituzten mikro enpresak eta enpresa txikiak kontratatzeagatik, edo enpresa berritzaileak kontratatzeagatik.
I+Gko jarduerei modu esklusiboan lotutako Ibilgetu material eta ukiezineko elementuen % 10 (higiezinak eta lursailak izan ezik).

Nola arautzen da berrikuntza teknologikoko jarduerak egiteagatiko kenkaria?

Pizgarria jaso dezaketen jarduerak:

Berrikuntza teknologikoko jarduerak, ondasun edo zerbitzu berriak edo hobetuak merkatuan sartzea ahalbidetzen duen aurrerapen teknologikoa, edo enpresan negozio prozesu berriak edo hobetuak ezartzea, lehiakortasuna hobetzen laguntzeko. Jarduera horiek Sozietateen gaineko Zergari buruzko Foru Arauaren 63., 64. eta 64 bis artikuluetan arautzen dira, nahiz eta, oro har, talde hauetan katalogatzen diren:

Unibertsitateei, ikerketako erakunde publikoei edo zentro teknologikoei eta berrikuntza teknologikoari laguntzeko zentroei –onartuta eta erregistratuta daudenei– agintzen zaizkien diagnostiko teknologikoari eta soluzio teknologiko aurreratuei lotutako proiektuak.
Software ingeniaritza, diseinu industriala, eta produktu berriaren edo negozio prozesuaren ingeniaritza eta diseinua.
Teknologia aurreratuaren eskuraketa, patente eta lizentzia, 'Know how’ eta diseinu moduan.
ISO 56002, UNE 166000 edo antzeko ziurtagiriak lortzea.
Zergadunak egindako berrikuntza-gastuak, berrikuntza teknologikoko jarduerekin lotuta badaude eta jarduerok gauzatzeko erabiltzen badira; gainera, proiektuen arabera jaso behar dira haietako bakoitza.
Berrikuntza-gastuak EBko edo EEEko kide diren beste estatu batzuetan egindako jarduerei dagozkienak.

Dokumentazioa.
Berrikuntza teknologikoko jardueratzat jotzeko zientzia- eta teknologia-baldintzak betetzen direla justifikatzeko dokumentazioa; txosten arrazoitua aurkeztu ahal izango da, gaiaren arabera eskumena duen Eusko Jaurlaritzako sailak edo Bizkaiko Foru Aldundiak emana, edo horiei atxikitako organismo edo erakunderen batek egina Txosten horrek gastu eta inbertsioen zenbatekoa identifikatu behar du.

Kenkariaren ehunekoa:
% 15 edo % 20, jarduera teknologiko motaren arabera.
Beste enpresa batzuek egiten dituzten garapen edo berrikuntza proiektuen finantzaketan parte hartzen duten enpresei ere aplikatzen zaie.

Nola arautzen da garapen jasangarria, ingurumenaren zaintza eta hobekuntza zein energia iturrien aprobetxamendu eraginkorragoa lortzera zuzentzen diren proiektuekin loturiko inbertsio eta gastuengatiko kenkaria?

2025-01-01etik

Jarduera pizgarriak eta kenkari-ehunekoa

Zergadunek zergaren kuota likidoaren % 35 murriztu dezakete honako hauetan gastuak edo inbertsioak egiten badituzte:

Energia berriztagarria ekoizteko instalazioak.
Energia gutxiago kontsumitzen duten edo energia berriztagarriak erabiltzen dituzten ekipoak.
Energia berriztagarria garraiatzeko edo banatzeko instalazioak.
Teknologia Garbien Euskal Zerrendan sartutako ekipoak eta instalazioak.
Emisioak hartzeko eta prozesu berriztagarrietan erabiltzeko instalazioak.
Hondakinak murrizteko, birziklatzeko edo berrerabiltzeko ekipoak (ekonomia zirkularra).

Kuota likidoaren % 15eko kenkaria aplikatuko da honako hauetan:

Kutsatutako lurzoruak garbitzeko inbertsioak, Euskal Autonomia Erkidegoko erakunde ofizialek onartutakoak.
Proiektuak gauzatzeko ibilgetu materialean egindako inbertsioak, honako hauetarako:
Birziklatu ezin diren hondakinak energetikoki aprobetxatzea.
Kaltetutako espazio naturalak berreskuratzea.
Ura gutxiago kontsumitzea eta araztea.
Ekipoen ordez eraginkorragoak eta gutxiago kutsatzen dutenak jartzea.
Mugikortasun eta garraio jasangarria sustatzea (lurreko garraioa izan ezik).

Kenkariaren oinarria ezin da 40.000 eurotik gorakoa izan Teknologia Garbien Euskal Zerrendan sartutako turismoentzat.

Dokumentazioa:

"Teknologia Garbien Euskal Zerrendan sartutako ekipoak eta instalazioak" eta "Kutsatutako lurzoruak garbitzeko inbertsioak" kenkariak aplikatzeko, zergadunek dagokion saileko organoak emandako txosten arrazoitua aurkeztu ahal izango dute.
Gainerako kenkarien kasuan, zergadunek justifikatu egin beharko dute, Zerga Administrazioak hala eskatuta, inbertsioek araudian ezarritako baldintzak betetzen dituztela egiaztatzen duen Eusko Jaurlaritzako edo aldundietako dagokion sailaren ziurtagiria.

2024.012.31 arte

Pizgarria jaso dezakeen jarduera.

Teknologia Garbien Euskal Zerrenda onartzen duen Eusko Jaurlaritzako dagokion sailaren aginduan zehaztutako ekipoetan egindako inbertsioak.
A)Ibilgetu materialeko aktibo berrietan egindako inbertsioak eta ekitaldian kutsatutako lurzoruak garbitzeko egindako gastuak, Euskal Autonomia Erkidegoko erakunde ofizialek onartutako proiektuak egiteko.

B) Ibilgetu materialaren aktibo berrietan egindako inbertsioak, jarraian adierazten diren helburuetako bat edo batzuk dituzten proiektuak gauzatzeko beharrezkoak direnak, garapen iraunkorraren eta ingurumenaren babesaren eta hobekuntzaren eremuan:

Hondakinak minimizatzea, berrerabiltzea eta balorizatzea.
Mugikortasuna eta garraio iraunkorra.
Konpentsazio-neurriak edo borondatezko beste jarduera batzuk gauzatzearen ondorioz naturaguneetan ingurumena berroneratzea.
Ur-kontsumoa minimizatzea eta ur hori araztea.
Energia berriztagarriak eta energia-eraginkortasuna erabiltzea.

Dokumentazioa:

Aurreko 1 eta 2 A ataletako kenkariak justifikatu beharko dira, Zerga Administrazioak hala eskatuta, Eusko Jaurlaritzako dagokion sailak emandako ziurtagiriaren bidez.
Aurreko 2.B ataleko kenkaria justifikatu beharko da, Zerga Administrazioak eskatuta, BFAko Ingurumen Sail eskudunak edo Eusko Jaurlaritzak emandako ziurtagiriarekin.

Kenkariaren ehunekoa:

Teknologia Garbien Euskal Zerrendan zehaztutako ekipoetan egindako inbertsioen zenbatekoaren % 30.
Beste gastu batzuen % 15 (kutsatutako lurzoruak garbitzea, energia berriztagarriak erabiltzearekin eta energia-eraginkortasunarekin lotutako proiektuak)

Nola arautzen da enplegua sortzeagatiko kenkaria?

Pizgarria jaso dezakeen jarduera.

Kontratu mugagabea duten pertsonen kopurua handitzea dakarten langileen kontratazioa.

Betekizunak:

Kenkaria aplikatzeko eskubidea ematen duen pertsonaren soldata hurrengo hiru urteetan mantendu edo gehitu behar da, eta kontratazioaren unean LGSren %70tik gorakoa izan behar du. COVIDaren ondorioz, aipatutako hiru urteak zenbatzeko ez da kontuan hartuko 2020eko urtarrilaren 1etik 2021ko abenduaren 31ra bitarteko aldia, eta uste izango da paragrafo horretan jasotako baldintza betetzen dela.
Kontratazioaren ekitaldiko langile mugagabeen plantilla ez murriztea hurrengo hiru urteetan amaitutako zergaldietan, eta langile-kopuru hori handiagoa izatea kenkaria sortzen den zergaldiaren hasierako langile-kopurua baino, gutxienez, kenkaria sortzeko eskubidea ematen duten kontratu-kopurua beste unitateetan. Baldintza hori betetzat joko da lan-kontratu mugagabea duten langileen kopurua murriztuz gero, lan-harreman bakoitza iraungi eta bi hilabeteko epean langile kopuru bera kontratatuz gero. Epe hori lau hilabetera luzatuko da lan-harremana 2020ko martxoaren 16tik 2021eko abenduaren 31ra bitartean iraungi bada.

Kenkariaren ehunekoa:

2018 eta 2021 arteko ekitaldietan, urteko soldata gordinaren % 25 izango da, 5.000 euroko mugarekin lan-kontratu mugagabea egin zaien langile bakoitzeko.

Aurreko kopuruak bikoiztu egingo dira, langileak laneratzeko zailtasun bereziak dituzten kolektiboetakoren batekoak badira.

2022ko ekitalditik aurrera, kontratatutako pertsona bakoitzeko, urteko soldata gordinaren % 25eko kenkaria izango da, kontratazioaren unean indarrean dagoen lanbide arteko gutxieneko soldataren % 50eko mugarekin.

Lan-merkatuan sartzeko zailtasun berezia duten kolektiboetako baten barruan dauden pertsonak kontratatzen direnean, araudiaren arabera ezarritako baldintzetan, eta, bereziki, kontratazioaren unean 30 urtetik beherako langileak edo 45 urtetik gorakoak direnean, kenkaria soldata gordinaren %50 izango da, kontratazioaren unean indarrean dagoen lanbide arteko gutxieneko soldataren mugarekin.

Nola arautzen dira kultura sustatzeko pizgarriak (zinematografiako eta ikus-entzunezko produkzioetan inbertitzea)?

Pizgarria jaso dezaketen jarduerak:

Espainiako produkzioak, luzemetraia zinematografikoena eta ikus-entzunezko serieenak (fikzioa, animazioa edo dokumentala), haien industria-produkzio seriatuaren aurreko euskarri bat prestatzeko aukera ematen dutenak.

Kenkaria sortzeko eskubidea:

Oro har, obraren produkzioa amaitzen den ekitalditik aurrera.
Bereziki, ordainketak egin ahala, baldin eta obraren produkzioa 12 hilabetetik gorakoa bada eta zergaldi bat baino gehiago ukitzen badu.

Kenkariaren ehunekoa

Produkzio-kostuaren eta kopiak lortzeko gastuen eta publizitate- eta sustapen-gastuen % 30; bi kasuetan produkzio-kostuaren % 40ko mugarekin, gehienez.

Aurreko paragrafoan jasotako kenkariaren oinarriari kendu egingo zaio inbertsioak finantzatzeko jasotako dirulaguntzen zenbatekoa.

Haien industria-produkzio seriatuaren aurreko euskarri bat prestatzeko aukera ematen duten liburuak editatzeko inbertsioek kuota likidoaren 5% eko kenkari gehigarri bat aplikatzeko eskubidea sortuko dute

Zein dira Pertsona Fisikoen gaineko Zergari buruzko Foru Arauaren 88. artikuluak aipatzen dituen Sozietateen gaineko Zergari buruzko Foru Arauaren V. tituluko III. kapituluan eta hamabosgarren xedapen gehigarrian araututako kenkari guztietarako arauak?

Kenkariaren oinarria.

Kenkariaren oinarria kontraprestazio osoa izango da, interesak, zeharkako zergak, eraikuntza-marjina eta lizitazioaren gastu teknikoak izan ezik. Aktiboak deuseztatu edo erretiratzeak eragindako kostuak ere ez dira zenbatuko.
Higiezinen kasuan, lurzoruaren balioa ez da sartuko.
Birgaitze-gastuetan, horien prezioa zenbatuko da, eta ez dira sartuko inbertsioetan kanpo utzitako kontzeptu berak .
Dirulaguntzak jasoz gero, kenkariaren oinarritik kendu egingo da diru-laguntzen gainean 100en eta sozietateen gaineko zergan erakundeari aplikatu beharreko karga-tasaren arteko aldeari dagokion ehunekoa aplikatzearen ondoriozko zenbatekoa. Mikroenpresak eta enpresa txikiak: Kenkariaren oinarria jasotako dirulaguntzen % 76 *, kultura sustatzeko pizgarrien kasuan izan ezik; kasu horretan, dirulaguntza osorik murriztuko da.

Epea.

Gutxienez, bost urtez funtzionamenduan egin behar dute (ezin dira ez eskualdatu ez alokatu), ondasun higigarriak badira.
Salbuespenak:

Ondasunaren balio-bizitza bost edo hiru urtetik beherakoa bada, edo higigarriak badira, 3 hilabetean baldintza berberak betetzen dituzten beste batzuekin birjartzea edo ordezkatzea.

Kenkarirako eskubidea sortzea.

Oro har, funtzionamenduan jartzen diren momentuan.
Bereziki, ordainketetak egin ahala, baldintza hauek betetzen badira:

12 hilabetetik gorako inbertsio-proiektua izatea.
Ogasun eta Finantza Sailari jakinaraztea, kontratua egin eta hilabeteko epean.

2021eko eta aurreko ekitaldietako muga:

Baterako muga jarduera ekonomikoen etekinen zerga-oinarriaren zatiari dagokion kuota osoaren % 35; 62.eta 64. artikuluetakoak (I+D) izan ezik, horiek % 70eko muga izango baitute. Kuota nahikoa ez izateagatik aplikatu ez diren kenkariak hurrengo hamar urteetan amaitzen diren zergaldietako aitorpenetan aplikatu ahal izango dira, muga berberak aplikatuta.

Kenkariak aplikatzeko epeak zenbaketa geroratu ahal izango da preskripzio-epearen barruan emaitza positiboak lortzen diren lehen ekitaldira.

2021ean eta aurreko ekitaldietan kenkariak aplikatzeko hurrenkera:

Aurreko ekitaldietako kenkariak, % 35eko muga dutenak
Uneko ekitaldiko kenkariak, % 35eko muga dutenak
Aurreko ekitaldietako kenkariak % 70eko muga dutenak
Uneko ekitaldiko kenkariak, % 70eko muga dutenak

2022ko ekitaldiko eta ondorengoetako muga:

Baterako muga jarduera ekonomikoen etekinen zerga-oinarriaren zatiari dagokion kuota osoaren % 35; 62.eta 64. artikuluetakoak (I+D) izan ezik, horiek % 70eko muga izango baitute eta eta 65. artikuluari dagozkionak, % 50eko muga izango dutenak. Kuota nahikoa ez izateagatik aplikatu ez diren kenkariak hurrengo hamar urteetan amaitzen diren zergaldietako aitorpenetan aplikatu ahal izango dira, muga berberak aplikatuta.

2022ean eta ondorengo ekitaldietan kenkariak aplikatzeko hurrenkera:

Aurreko ekitaldietako kenkariak, % 35eko muga dutenak
Uneko ekitaldiko kenkariak, % 35eko muga dutenak
Aurreko ekitaldietako kenkariak % 70eko muga dutenak
Uneko ekitaldiko kenkariak, % 70eko muga dutenak
Aurreko ekitaldietako kenkariak % 50eko muga dutenak
Uneko ekitaldiko kenkariak, % 50eko muga dutenak

Bateraezintasunak:

Beste edozein zerga-onurarekin, hauek izan ezik: Amortizazio-askatasuna, amortizazio bizkortua, baterako amortizazioa.

Aukeren araubidea:

Kenkariak aitorpena aurkeztean aukera baliatzen denean bakarrik aplikatuko dira.

Kenkariak aplikatzeko mugak. Falta diren kopuruak

Jarduera ekonomikoen etekinen zerga-oinarriaren zatiari dagokion kuota osoaren % 35eko baterako muga 62. eta 64. artikuluei dagozkienak izan ezik, % 70eko muga izango baitute eta eta 65. artikuluari dagozkionak, 2022ko eta hurrengo ekitaldietan % 50eko muga izango dutenak). Egin beharreko eragiketa hiruko erregela hau da:

zerga-oinarri orokorra (guztira)........................... Kuota oso 'orokorra' (guztira).

Jardueren etekin garbia.................................... X (jardueraren etekinei dagokien kuota osoaren zatia izango da)

Kuota nahikoa ez izateagatik aplikatu ez diren kenkariak eskubide hori sortu den urtearen hurrengo eta ondoz ondoko 30 urteetan amaitzen diren zergaldietan aplikatu ahal izango dira, muga berarekin;aipatutako zergaldietan jarduera-etekinik lortzen ez bada, eskubide hori galduko da.

Kenkariak aplikatzeko hurrenkera:

aurreko ekitaldietako kenkariak % 35eko muga dutenak;
uneko ekitaldiko kenkariak, % 35eko muga dutenak;
aurreko ekitaldietako kenkariak % 70eko muga dutenak;
uneko ekitaldiko kenkariak, % 70eko muga dutenak
aurreko ekitaldietako kenkariak % 50eko muga dutenak (2022ko ekitaldia eta hurrengoak)
uneko ekitaldiko kenkariak, % 50eko muga dutenak (2022ko ekitaldia eta hurrengoak)

Nola arautzen da jarduera ekonomikoei berriro ekiteko kenkaria?

Pizgarria jaso dezaketen ondasunak:

Zergadunek 2021eko ekitaldian jarduera ekonomikoari berriro ekiteko edo berreskuratzeko edo pandemiaren ondoriozko egoerara egokitzeko egindako gastuak eta inbertsioak.

Neurri bereziki hauei aplikatzen zaie: ostalaritza eta jatetxeak, txikizkako komertzioak, turismoa eta ekitaldiak eta jarduera kultural eta artistikoak. Beste gastu eta inbertsio kengarri batzuen artean, merkaturatze-kanal alternatiboak osatzeko egindakoak daude (online plataformak, adibidez), edo zerbitzuak ematekoak (etxez etxeko zerbitzuak, adibidez). Edukiera-muga gordetzeko instalazioen, egokitzapena, erreserben kudeaketa, edo prebentzio-neurriak bermatzeko.

Betekizunak:

Ukitutako jardueratzat hartzen da 2020an eragiketa-bolumena 2019an baino gutxienez % 25 txikiagoa izan duena eta 2020an etekin garbia 2019an baino gutxienez % 50 txikiagoa izan duena.

Kenkariaren ehunekoa:

%15 gastuen eta inbertsioen kuotan.

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Jarduera ekonomikoak sustatze aldera, atal honetan inbertsioengatiko eta beste jarduera batzuengatiko kenkariak, ekoizpen zinematografikoetan eta ikus-entzunezkoetan egindako inbertsioengatik pizgarriak eta, COVID19 ezohiko zerga-neurritzat hartzen den, jarduera ekonomikoa berrekitegatik kenkaria aplikatzeko beharrezkoa den informazioa islatu ahal izango da.

Era berean, kuota osoa nahikoa ez izateagatik aurreko ekitaldiei dagozkien eta kendu gabe dauden kopuruak ere jaso beharko dira.

¿Laguntza behar duzu?

Onbertsioengatik eta bestelako jarduerengatik kenkaria

Beharrezko dokumentazioa

Inbertsio edo jarduera pizgarriak dagokion kenkaria aplikatzeko baldintzak betetzen dituela egiaztatzen duten agiriak, hala nola fakturak, eskriturak, gaiaren arabera eskumena duen Eusko Jaurlaritzako edo Bizkaiko Foru Aldundiko sailak edo haiei atxikitako erakunde edo entitate batek eragindako txostenak, Eusko Jaurlaritzako dagokion sailak edo BFAko Ingurumeneko Sail eskudunak emandako ziurtagiriak, lan-kontratuak, 190 eredua, etab.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.