Artikulua

Nola kalkulatzen da 2024ko PFEZren zirriborroa?

2024ko PFEZren ziriborroa kalkulatzeko, Batuz betetzen hasi den data hartuko da kontuan:

Batuz borondatez betetzen dutenak

Eragin-data 2024ko urtarrilaren 1etik aurrera edo aurreko data batetik aurrera (2022 edo 2023) bada: zirriborroa EEEL berriaren informazioarekin bakarrik kalkulatuko da. Ez da aurkeztu behar BILAren 140 eredua.
Eragin-data 2024ko uztailaren 1etik aurrera bada: zirriborroa kalkulatzeko, EEEL berriaren eta BILAren 140 ereduaren informazioa erabiliko da. BILAren 140 eredua otsailean aurkeztu beharko da. 2024ko uztailaren 1etik aurrera egindako eragiketak EEEL berrian idatzi behar dira, eta data hori baino lehen egindakoak BILAren 140 ereduan sartu behar dira. Eragiketa bera ez da erregistratu behar EEEL berrian eta BILAren 140 ereduan.

2024ko uztailaren 1etik aurrera Batuz betetzera behartuta daudenak

Zirriborroa kalkulatzeko, EEEL berriaren eta BILAren 140 ereduaren informazioa erabiliko da. BILAren 140 eredua otsailean aurkeztu beharko da. 2024ko uztailaren 1etik aurrera egindako eragiketak EEEL berrian idatzi behar dira, eta data hori baino lehen egindakoak BILAren 140 ereduan sartu behar dira. Eragiketa bera ez da erregistratu behar EEEL berrian eta BILAren 140 ereduan.

Beste kasu batzuk

BILAren 140 eredua bakarrik aurkeztu beharko da. Akats baten ondorioz EEELan oharrak egin badira, baja eman beharko zaie.

Nola adierazi behar da EEEL berrian jarduera ekonomikoaren etekina kalkulatzeko metodoa?

Zenbatespen-metodoa “zuzeneko normala” edo “zuzeneko erraztua” izan daiteke. EEEL berrian, zenbatespen-metodoa “Zerga garrantzia duen bestelako informazioa” kapituluan adierazi behar da, “Zenbatespen metodoa eta izakinen aldaketa” azpikapituluan.

Bizkaiko Foru Aldundiaren EEEL aplikazioa erabiltzen bada (https://www.batuz.eus/eu/eeel) 2024ko ekitaldia aukeratu beharko da. Ekitaldia liburua dagokion pertsonaren datuen eskuinaldean dago.

Nola begira daitezke EEELan egindako idatz-oharrak eta EEEL berriaren sarreren eta gastuen PFEZren laburpen-txostena?

EEELan egindako idatz-oharrak kontsultatzeko:

EEELko aplikazioan sartu eta "bilatu" botoia sakatuz gero, kapitulu bakoitzean idatz-oharrak banan-banan agertuko dira.

Gainera, "CSV" botoia sakatuz gero, fitxategi bat deskarga daiteke kapituluko idatz-ohar guztiekin.

EEEL berriaren sarreren eta gastuen PFEZren laburpen-txostena ikusteko:

Bizkaiko Foru Aldundiaren EEEL berriaren aplikazioan eska daiteke, "Erabilgarritasunak" atalean. Txosten honek urte, hiruhileko edo hilabete bateko EEELaren sarreren eta gastuen idatz-ohar guztien batura jasotzen du. Ordenatuta daude jardueraren, EEELaren kapituluaren eta gastu-kontuaren kodearen arabera.
Argitaratutako 249. ohiko galderan zehazten da txosten honen edukia.
Informazio osoa duzu artikulu honetan

Zein eperi egozten zaizkio PFEZren diru-sarrerak eta gastuak?

PFEZn, oro har, diru-sarrerak eta gastuak eragiketa egin den aldiari egotziko zaizkio.

Horregatik, 2024ko PFEZren zirriborroan 2024an bertan egindako fakturen sarrerak sartuko dira, faktura horietan beste urte bateko eragiketa-data adierazten ez bada.

Arrazoi beragatik, 2024ko PFEZren zirriborroan 2024ko eragiketa-data duten 2023ko edo 2025eko EEELen diru-sarrera eta gastuak jasoko dira.

Informazio gehiago: Eragiketa-data eta igorketa data desberdinak dituzten fakturak

Zer idatzi behar da EEEL berrian?

EEEL berrian jarduera ekonomikoaren eragiketa guztiak jaso behar dira, eta ez TicketBAIrekin jaulkitako fakturak bakarrik.
Hori dela eta, Batuz betetzeko, diru-sarrerak eta jaulkitako fakturak, gastuak eta jasotako fakturak, ondasunei buruzko informazioa eta zerga-garrantzia duen beste informazioa jaso behar da.

Zer konpentsazio eta kenkaria aplikatzen da 2024ko PFEZn Batuz sistema borondatez betetzeagatik?

Konpentsazioa jarduera ekonomikoaren etekin garbiaren % 10ekoa izango da, baldin eta benetan betetzen badira Batuz betebeharrak (TicketBAI fakturak egitea eta EEEL berria eramatea) eta zergaduna Batuz sistemari borondatez atxiki bada:

2022 eta 2023 urteetan.
Edo 2024an, aldi horretan, gutxienez 6 hilabete lehenago sistema bete badu behin betiko ezarpen-datari dagokionez, araudi berriaren arabera.

Zergadunaren erantzukizuna da PFEZren aitorpenean Batuz konpentsazioa ez adieraztea aurreko baldintzak betetzen ez baditu.

2024an Batuz ezartzearekin lotutako gastuak edo inbertsioak egin badira (ordenagailuak edo inprimagailuak bezalako ekipo informatikoak erosi eta instalatzea, software-instalazioa edo antzekoak), PFEZren aitorpenean gastu edo inbertsio horien % 30eko kenkaria aplikatu ahal izango da, "Batuz sistemaren ezarpena sustatzeagatiko kenkaria" atalean.

Nola aldatu nire jarduerei buruzko datuak nire Errentaren zirriborroan?

BATUZ BETETZEA ETA 2024ko PFEZren ZIRRIBORROA

Lagundu hobetzen

Nola baloratzen duzu artikuluaren erabilgarritasuna?