Artikulua

Ohiko etxebizitzaren zer birgaitze-motak ematen du etxebizitzan inbertitzeagatiko kenkarirako eskubidea?

Kengarriak izango dira bere ohiko etxebizitzan jabeak egindako obrak (kenkaria ez da egokia etxebizitza alokatuta badago), baldin eta obra horiek Eusko Jaurlaritzak edo beste erakunde baliokideren batek babestutako jardueratzat kalifikatu edo deklaratzeko ebazpena eman bada.

Egindako obra kengarria izango da, babespeko aurrekontuaren zenbatekoraino, eta, hala badagokio, PFEZtik salbuetsita dauden eta birgaitzeko jasotako diru-laguntzen zenbatekotan gutxiagotuta.

Zer frogagiri aurkeztu behar dira birgaitzeagatiko kenkaria aplikatu ahal izateko?

Zure izenean dagoen ziurtagiria aurkeztuta hau deduzitu dezakezu: basbestutako aurrekontua gehi BEZaren % 10eko. Gainera, fakturak aurkeztuz gero, bertan agertzen den BEZaren ehunekoa onartuko da.
Zure izenean dagoen ziurtagiririk ez baduzu:
- Erkidegoaren ziurtagiria onartuko da (ez da onartuko komunitatearen ebazpenik) eta jabe guztiek ordainketa guztiak egin dituztela egiaztatzen duen presidentearen ziurtagiria.

Zer kenkari-ehuneko aplikatzen zaie birgaitze babestuko obretan inbertitutako kopuruei?

Kenkariaren mugak eta ehunekoak:

Inbertitutako zenbatekoen % 18 ( % 23, familia ugaria edo 30 urtetik beherakoa bada).

Urteko gehieneko inbertsio kengarria: 8.500,00 €(gehieneko kenkaria: % 18 x 8.500 = 1.530,00 €m edo % 23 x8.500 = 1.955,00 €).

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Etxebizitza birgaitzeko obrak egin badituzu eta Eusko Jaurlaritzak edo beste erakunde baliokideren batek babestutako jardueratzat jotakoen artean badago, egiaztatu beharko duzu zure errenta-aitorpenaren zirriborroan "birgaitzea" kodearekin ageri diren datuak zuzenak direla. Hala ez bada, aldatu egin beharko dituzu.

Nola eman ohiko etxebizitzan egindako birgaitze-lanei buruzko datuak?

Nola bete dezaket zirriborroa?

Zirriborroan sartzeko, "GEHITU KONTZEPTUA" botoian klik egingo dugu, eta, bilatzailean, "Inbertsioa etxebizitzan" idatziko dugu. Datuak emateko, "ERREGISTROA ERANTSI" botoiari emango diogu. Honako atal hauetan adieraziko dugu:

Gakoa: Birgaikuntza aukera hautatuko dugu
Zenbaki finkoa: etxebizitzaren identifikazio-zenbakia
Eskuratze-data: Eusko Jaurlaritzak emandako ziurtagiriaren data
Etxebizitzaren erosketa-balioa: Eusko Jaurlaritzaren ziurtagiriak adierazitako zenbatekoa gehi BEZaren % 10.
Zenbateko Metalikoa XXXX -ekitaldia-: mailegu bat eskatu bada, adierazi horrekin finantzatu ez den zenbatekoa (Kontuz. Ez dira komunitateko konturako derramak, baizik eta obra egiten denean dirutan ordaindutako zenbatekoak.)
Maileguaren identifikazio-zenbakia: maileguaren kontratuaren erreferentzia
Emate-data: maileguaren kontratuaren data
Maileguaren nominala: birgaitzera bideratutako maileguaren zenbatekoa.
Maileguaren amortizazioari eta maileguaren interesei buruzko datuak ere jasoko ditugu.

Beharrezko dokumentazioa

Birgaitzearen ziurtagiria.
Fakturen fotokopia, hala dagokionean.
Administrariaren ziurtagiria, jabe bakoitzak egindako ordainketa egiaztatzen duena.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.