ERRENTA: KENKARIA OHIKO ETXEBIZITZAN INBERTITZEAGATIK

Etxebizitzaren eraikuntzak ere inbertsioengatiko kenkarirako eskubidea sortuko du, betiere obrak gehienez ere 4(*) urteko epean amaitzen badira inbertsioa hasi zenetik. Eraikuntza-obrak amaitzeko lau urteko epea luzatu daiteke, baldin eta honako egoera hauetakoren bat gertatzen bada:

1.- Epaileak deklaratutako konkurtsoaren ondorioz sustatzaileak ez baditu eraikuntza-obrak amaitzen 4 urteko epea igaro baino lehen edo ezin baditu etxebizitzak epe berean entregatu, epe hori beste lau urtez luzatuko da automatikoki.

2.- Zergapekoari egotzi ezin zaizkion eta obra geldiaraztea dakarten beste aparteko inguruabar batzuk jazotzen badira, zergadunak Zerga Administrazioari aurkeztu ahal izango dio, 4 urteko epea bete ez den dataren hurrengo hilabetearen barruan, epea luzatzeko eskaera.

(*) Eraikitzen ari den ohiko etxebizitza eskuratzeko epea luzatzea. Eraikitzeko epea 2020ko urtarrilaren 1etik 2021eko abenduaren 31ra bitartean amaitzen bada, epe hori bost urtekoa izango da inbertsioa hasten denetik aurrera.