Artikulua

Beren ohiko etxebizitza eskualdatzen duten zergadunek, irabazia edo galera kalkulatzeko, eskualdatze- eta eskuraketa-balioen arteko diferentzia hartuko dute kontuan

Ohiko etxebizitzaren salmentan lortutako zenbateko osoa ohiko etxebizitza berri baten erosketan berrinbertitzen denean, salmenta horren bidez lortutako ondare-irabaziak salbuespena ahal izango dira.

Berrinbertsioagatiko irabazi salbuetsia. Baldintzak

Zure ohiko etxebizitza eskualdatzeagatiko ondare-irabazia kargatik salbuetsita dago, baldin eta eskualdaketan lortutako zenbateko guztia ohiko etxebizitza berri baten erosketan berrinbertitzen duzu.
Era berean, xedaturikoa aplikatuko da eskualdatutako etxebizitza zergadunaren ohiko etxebizitza izan denean aurretik, eta zergadunak bere bizilekua utzi duenean banantzeko edo izatezko bikotea azkentzeko prozedura batean ebazpen judizial baten bidez. Kasu horietan, salbuespena izango da eskualdatutako etxebizitza beste ezkontidearen edo izatezko bikotekidearen, eta, hala badagokio, ondorengo erkideen ohiko bizilekua izatearen mende, erregelamendu bidez ezarritakoaren arabera.
Besterentzean lortutako zenbateko guztia behin bakarrik berrinbertituko da, edo behin baino gehiagotan, eskualdatzearen aurreko edo ondorengo bi urteetan, gehienez (hiru urte, ohiko etxebizitza 2018ko urtarrilaren 1etik 2021eko abenduaren 31ra bitartean eskualdatzen bada, edo ohiko etxebizitza berria 2018ko urtarrilaren 1etik 2021eko abenduaren 31ra bitartean eskuratu eta gero aurreko ohiko etxebizitza eskualdatzen bada).

Kreditu fiskala irabazi salbuetsiaren % 18an gutxitzen da.

Nola kalkulatzen da berrinbertitu beharreko zenbatekoa?

Ohiko etxebizitza baten eskualdaketan lortutako zenbateko guztia ohiko etxebizitza berri bat erosteko erabili behar da.

Ohiko etxebizitza saltzean ordaindu gabeko mailegurik balego, guztira lortutako zenbatekotzat hartuko da, bakarrik berrinbertsio-ondorioetako, honako hau: salmenta-balioari eskualdatzeko orduan amortizatu gabeko mailegua kentzearen ondoriozko emaitza.

Guztira lortutako zenbatekoa = eskualdatze-balioa - amortizatu gabeko maileguaren printzipala.

Ohiko etxebizitza saltzen badut, eta prezio merkeagoan erosten badut, ondare-irabazi guztia salbuetsita geratuko da?

Ohiko etxebizitza berrian berrinbertitzen den zenbatekoa ohiko etxebizitza zaharraren eskualdaketan jasotakoa baino txikiagoa bada, berrinbertsio partziala baino ezin izango da egin. Lortutako ondare-irabaziaren zati proportzionala baino ez da zergapetuko, berrinbertitutako zenbatekoari dagokiona.

Zer egin behar dut berrinbertsioari heltzen badiot eta gero baldintza guztiak betetzen ez baditut?

Kasu horretan, zergadunak ondare-irabazia lortu zen urtean egotziko du irabaziaren zati ez-salbuetsia. Horretarako, zuzentze-idazkia aurkeztu beharko duzu epe honetan: ez-betetzea gertatu den egunetik ez-betetzea gertatu den zergaldiko aitorpena aurkezteko erregelamenduzko epea amaitzen den egunera.

Geroago egingo den likidazioandagozkion berandutze-interesak sartuko dira.

Zer da ohiko etxebizitza?

Etxebizitza bat ohikotzat jotzeko, honako baldintza hauek bete behar ditu:

A) Etxebizitza modu eraginkor eta iraunkorrean erabili behar da, hura eskuratu edo obrak amaitzen direnetik 12 hilabeteko epean. Epe hori sei hilabetez luzatuko da epe hori 2020ko martxoaren 16tik 2021eko abenduaren 31ra bitartean amaitzen denean.

B) Zergadunak etxebizitzan bizi behar du modu eraginkorrean, gutxienez hiru urteko epe jarraituan.

C) Familia-unitate bakoitzeko, etxebizitza bakarra har daiteke ohikotzat: familia-unitateak bizi-interesen, harreman pertsonal, sozial eta ekonomikoen zentro nagusia duen etxebizitza.

D) Ohiko etxebizitzatzat hartutako higiezin osoaren edo zati baten jabari osoaren titulartasuna behar da.

Nola kalkula dezaket higiezin bat eskualdatzeagatiko ondare-irabazia?

Ohiko etxebizitza baten salmentan sortzen den ondare-irabazia honela kalkulatuko da: eskualdaketa-balioaren eta eskuraketa-balioaren arteko diferentzia izango da (koefizienteak aplikatuta eguneratuko da).

Ondare-aldaketa = besterentze-balioa - eskuratze-balio eguneratua.

Besterentze-balio handiagoa: besterentzearen benetako zenbatekoa- eragiketari datxezkion gastuak.

Besterentzearen benetako zenbatekoa:
- Eskritura publikoan edo salerosketa-dokumentu pribatuan adierazitako prezioa, betiere merkatuaren ohiko prezioa baino txikiagoa ez bada; kasu horretan azken hori hartuko da.
Eragiketari datxezkion gastuak:
- Hiri lurren balioaren gehikuntzaren gaineko zerga.
- Salmenta-komisioa (faktura konformatua).
- Eskualdatutako higiezinaren hipoteka ezereztearekin lotutako gastuak.

Eskuratze-balio eguneratua: (eskuraketaren benetako zenbatekoa+ eragiketari datxezkion gastuak) x salmenta-urteko eguneratze-koefizientea + hobekuntza- eta inbertsio-gastuak

(+) Eskuraketaren benetako zenbatekoa: eskritura publikoan edo salerosketa-dokumentu pribatuan adierazitako prezioa.
(+) Erosketari datxezkion gasuak, eskuratzaileak ordainduak (interesak izan ezik). Eragiketa kargatzen duten zergak:
- Ondare-eskualdaketen gaineko zerga (OEZ),balioaren gaineko zerga (BEZ), egintza juridiko dokumentatuen gaineko zerga (EJDZ).
- Arantzelak eta notario-gastuak eta Jabetza Erregistroari dagozkionak.
- Erosketa-komisioa (faktura konformatua).
(+) Eskuratutako ondasunen inbertsioak eta hobekuntzak.
(-) Amortizazioak (errentan hartutako higiezinak eta batera lagatako ondasun higigarriak).

Biziarteko Errenta Aseguratuan berrinbertitutako kopuruak
Errentak eratxikitzeko araubidea

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Atal honetan, "higiezinen salmenta (pisuak, lokalak, lursailak...)", ekitaldian eskualdatutako higiezinen eskualdatze-datari eta -balioari buruzko datuak agertzen dira.

Eskuratze-datari eta -balioari buruzko informazioa osatu beharko duzu, eta berrinbertitzeko konpromisoa bete.

Saldutako ondasuna irabazpidezkoa bada, aitorpenean jasotakoaren % 50 aitortu behar duzu, eta beste % 50a zure ezkontidearen aitorpenean adierazi (datuekin lerroa sortzen duzunean, berriro sar zaitezke editatzera eta "ezkontideari datuak kopiatu" aukera aukeratu.

¿Cómo incluir la venta de un inmuebles adquiridos por herencia?

Nola sartu erosketa bidez eskuratutako higiezin baten salmenta?

Beharrezko dokumentazioa

Erosketa-eskritura eta eskuratze-gastuak (zergak, erosketa- eta finantzaketa-gastuak, tasazioa)
Salmentari dagozkion gastuak: hiri-lurren balio-gehikuntzaren gaineko zerga (lehengo udal-gainbalioa), komisioa salmentan (higiezin-enpresaren faktura konformatua), eskualdatutako higiezinaren hipoteka ezeztatzearekin lotutako gastuak.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.

NOLA ERANTSI DATUAK...	ERANTSI DOKUMENTAZIOA...	AURKEZTU AITORPENA...	IKUSI NIRE AITORPENA PDF FORMATUAN ?

Deitu, eta zure zalantzak argituko ditugu

946 125 500

Errenta webgunerako sarbidea

Aurrez aurreko arreta nahiago baduzu

Aurretiko hitzordua

ERRENTA: Ohiko etxebizitza eskualdatzea Berrinbertsio egin nahi duzu: salbuespena berrinbertsioagatik

NOLA ERANTSI DATUAK...

ERANTSI DOKUMENTAZIOA...

AURKEZTU AITORPENA...

IKUSI NIRE AITORPENA PDF FORMATUAN ?

Lagundu hobetzen

Nola baloratzen duzu artikuluaren erabilgarritasuna?