Langileen Estatutuaren 51. artikuluan xedatutakoaren arabera egindako kaleratze kolektiboen kasuan, jasotako kalte-ordaina salbuetsita egongo da Langileen Estatutuan bidegabeko kaleratzeetarako nahitaezko izaerarekin ezarritako zenbatekora arte (33 egun lan egindako urteko, gehienez ere 24 hileko soldatarekin), 180.000 € gehienez ere.
Salbuespenaren mugetatik gora kobratzen diren zenbatekoak, hala badagokio, zergari lotutako lan-etekintzatzat hartzen dira, nahiz eta horien gainean ehuneko 60ko edo 50eko integrazio-ehunekoak aplika daitezkeen, betiere kapital gisa jasotzen badira, eta zergadunak 2 edo 5 urte baino gehiagoz lan egin badu, hurrenez hurren, kaleratzen duen erakundearentzat.
Errenta moduan jasotzen bada, salbuetsitako zenbatekoen gaineko gaindikina, 8/2000 Foru Arauaren arabera (arrazoi ekonomikoek, teknikoek edo ezinbesteko arrazoiek eragindako espedienteen kasuan), % 70ean sartuko da zergaren zerga-oinarrian, lanbide arteko gutxieneko soldataren urteko bi aldiz eta erdiko mugarekin, eta gainerakoa % 100ean.
Ehuneko 100etik beherako integrazio-ehuneko horiek aplikatu ahal zaizkien etekinen zenbatekoa ezin da 300.000 €baino handiagoa izan.
Salbuespena egiteko eskatzen diren baldintzak betetzen direla egiaztatzeko, zuzenbidean onartutako edozein frogabide erabil daiteke.
