ERRENTA: IRABAZIAK ETA GALERAK Inbertsio-funtsak

Inbertsio-funtsak direla-eta PFEZa ez da ordaindu behar da, partaidetzak eskualdatu edo itzultzen diren arte. Une horretan, ondare-aldaketa bat gertatuko da (irabazia edo galera), partaidetzen eskualdatze- edo itzultze-balioaren eta eskuratze- edo harpidetza-balioaren arteko aldeari dagokiona, hau da:

Itzultze-balioa - harpidetza-balioa = zerga-emaitza (irabazia edo galera).

Partaidetzen eskuratze-prezioa eguneratze-koefizienteagatik biderkatzen da; koefizientea partaidetza harpidetu den urtearen arabera aldatzen da.

Jaraunsleen kasuan, jaraunspena onartu zen dataren ordez, jaraunspenaren inbertsio-funtseko partaidetzen eskuratze-data kausatzailearen heriotza-data da (zuzenbide erkidea), edo testamendu-ahala baliatu den data (zuzenbide forala).

Heriotza gertatu edo ahala baliatzean partaidetza horiek duten balioa izango da, oinordetza eta dohaintzen gaineko zergaren araudiarekin bat, balio horri oinordetzaren zergan eskuratutako funtsak direla-eta jasandako zatia gehituta.

Balio horri dagozkion eguneratze-koefizienteak aplikatuko zaizkio.

Inbertsio-funtsetako partaidetzen itzulketagatik edo eskualdatzeagatik lortutako zenbatekoa inbertsio kolektiboko erakundeetako beste partaidetza batzuk erosteko erabiltzen bada, ezingo da zenbatu ondare-irabazirik edo -galerarik. Harpidetutako partaidetza berriek itzulitako partaidetzen balioa eta eskuratze-data mantenduko dute.

Parte-hartzaileen artean egiten diren zozketetan inbertsio-funtsek saritutakoei emandako sariak ondare-irabazitzat hartuko dira, eta atxikipenaren pean egongo dira.

Kasu honetan, konturako sarrera, gauzatzen ordaindu baitira.

Bereizi egin behar dugu gozamenaren jabe soila; izan ere, aplikatu beharreko tratamendua desberdina da:

Gozamendunak gozamena eratu zenetik iraungi arte sortutako errenta guztiak jasotzeko eskubidea izango du; errentok kapital higigarriaren etekintzat joko dira, eta, beraz, oro har, PFEZean konturako atxikipena izango dute.

Jabe soila, hots, inbertsio-funtsaren partaideak ondare-irabazia edo -galera izango du, partaidetzen eskualdatzeagatik, eta aldi berean, ondare-galera bat konputatuko da, bat datorrena gozamena eratzen denetik diru-itzulketa gertatu arteko aldian inbertsio-funtseko partaidetzen diru-itzulketaren ondoriozko emaitza positikoarekin.