web
Lineaz kanpo zaude. Orriaren bertsio hau irakurtzeko soilik da.
close

ERRENTA: Gizarte-aurreikuspeneko sistemetarako ekarpenak Aurreko ekitaldietako soberakinen konpentsazioa

Zer epe daukat aurreko ekitaldietan gertatu ziren gaindikinengatiko murrizketak aplikatzeko?
Baldin eta enpresa-ekarpen eta -kontribuzio guztiak ezin badira murriztu ezarritako murrizketaren gehieneko mugak gainditzen dituztelako edo zerga-oinarri orokor nahikorik ez dutelako, gehiegizko kopurua (banakako ekarpenengatik eta/edo enpresa-kontribuzioengatik) hurrengo bost ekitaldietan murriztu ahal izango duzu, ezarritako gehieneko mugak errespetatuz eta, betiere, murrizten dituzun urtean erretiro-egoeran ez bazaude. Era berean, gaindikinak ezkontidearen edo izatezko bikotekidearen aldeko ekarpenengatik badira, azken hori da gaindikinengatiko murrizketa aplikatzen duzun ekitaldian erretiratuta egon behar ez duena.
Zein da lehentasun-ordena murrizketak aplikatzean eta noiz aplikatu behar ditut?
Soberakinak aplikatu daitezkeen lehen ekitaldian aplikatuko dira, zeinean banakako zerga-oinarri orokorraren emaitza positiboa baita konpentsazio-pentsioen edo mantenurako urtekoa gutxitu ondoren. Soberakinen artean banakako ekarpenen nahiz enpresa-ekarpenen soberakinak badaude, murrizketak lehentasun-ordena hau errespetatuz aplikatuko dira:
2025etik aurrera
  1. Aurreko ekitaldietako enpresa-kontribuzioen gaindikinak.
  2. Aurreko ekitaldietako enplegu-sistemetara egindako ekarpenengatiko gaindikinak.
  3. Aurreko ekitaldietan enplegu-sistema desberdinei egindako ekarpenen ondoriozko gaindikinak.
  4. Ekitaldiko enpresa-kontribuzioak.
  5. Ekitaldiko enplegu-sistemetarako ekarpenak eta
  6. Enplegu-sistema desberdinei ekitaldian egindako ekarpenak.
2024ra arte
  1. Aurreko ekitaldietako banako ekarpenen gaindikinak.
  2. Aurreko ekitaldietako enpresa-kontribuzioen gaindikinak.
  3. Ekitaldiko enpresa-kontribuzioak.
  4. Ekitaldiko banakako ekarpenak.
Nola eta/edo non egiazta ditzaket aplikatzeko dauden gaindikinak?
Urte batean egindako ekarpen pertsonalengatik eta/edo enpresa-ekarpenengatik izandako soberakinak hurrengo ekitaldiko datu fiskaletan agertzen dira. Hala ere, aurreko urteetako gaindikinak sortu diren ekitaldietako aitorpenetan egiaztatu behar dira.

Adibidez, 2022ko ekitaldian egindako ekarpen edo kontribuzioengatik ekitaldi horretan sortutako soberakinak 2023ko ekitaldiko datu fiskaletan agertuko dira (2024. urtean, errenta-aitorpenaren kanpainan). Baina, 2022a baino lehenagoko urteetako soberakinak izanez gero, dagozkion ekitaldietako aitorpenak berrikusi beharko zenituzke edo Foru Ogasunean kontsultatu.

ERRENTA ZIRRIBORROA ALDATU BEHAR DUZU?

Atal honetan, aurreko ekitaldietan gizarte-aurreikuspeneko sistemetara egindako ekarpenen soberakinak agertzen dira, ekitaldi honetan konpentsa daitezkeenak.
Konpentsatu nahi badituzu, dagozkien ariketen laukietan sartu beharko dituzu.
 

Nola sartu edo aldatu aurreko ekitaldietako soberakinak?

Beharrezko dokumentazioa
Zure errenta zirriborroan agertzen diren datuekin desadostasunik badago, datu berriak justifikatzen dituzten egiaztagirien arabera aldatu ahal izango dituzu.

Egiaztagiriak gorde eta aurkeztu egin beharko dituzu, eskatzen zaizkizunean. Dena dela, aitorpena aurkeztean erantsi ahal izango dituzu, edo ondoren Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola ikusi dokumentu bakar batean nire adierazpen osoa?
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Deitu, eta zure zalantzak argituko ditugu
946 125 500
Errenta webgunerako sarbidea
 
Aurrez aurreko arreta nahiago baduzu 

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?