web
Lineaz kanpo zaude. Orriaren bertsio hau irakurtzeko soilik da.
close

Errenta: Ondasun higigarriak eskualdatzea (akzioak, funtsak...) Ondasun higigarri bat eskualdatzearen ondoriozko ondare-irabazia

Zerga informazioa: Ondare irabazia ondasun higigarrietan
Burtsan kotizatzen duten akzioen salmenta edo dohaintza
Nola kalkulatzen da eskuratze-balioa?
Eskuraketaren benetako zenbatekoa edo balioa, oinordetza eta dohaintzen gaineko zergaren ondorioetarako, baldin eta dohaintza edo jaraunspen bidez eskuratu baziren.

Eskuratze-balioaren parte da:

(+) eskuratzeari datxezkion gastu eta zergak (interesak izan ezik) eskuratzaileak ordaindutakoak.
(-) 2012ko urtarrilaren 1a baino lehenagoko harpidetza-eskubideak eskualdatzeagatik lortutako zenbatekoa, salbu eta eskualdaketa horietan lortutako zenbatekoa eskualdatzailearentzat ondare-irabazia izan bada eskualdaketa gertatu den zergaldian.
(-)Kapitala murriztearen ondoriozko ekarpenak itzultzeagatik jasotako zenbatekoa, jatorriko akzioen eskuraketa-balio zero bihurtu arte.
(-) Akzioen jaulkipen-primaren banaketa, jatorriko akzioen eskuraketa-balioa zero bihurtu arte.
Nola kalkulatzen dea eskualdaketa-balioa?
Eskualdaketa-balio eskualdaketa gertatzen den datan duen kotizazio balioa da, edo itundutako prezioa, kotizazio hori baino handiagoa denean. Eskualdaketari datxezkion gastu eta zergak kenduko dira (interesak izan ezik) edo balioa, oinordetza eta dohaintzen gaineko zergaren ondorioetarako, baldin eta dohaintza edo jaraunspen bidez eskuratu baziren.
Zer da % 3ko aukerako araubidea?
Nahi izanez gero, eskualdatutako balore guztien eskualdatze-balioa ekitaldi bakoitzean 10.000 eurotik beherakoa denean, ondare-irabazia kalkulatzeko % 3ko karga berezia aplikatuko da eskualdatze-balioaren gainean. Aukera hori espresuki jaso beharko da aitopenean. Ezin zaio aplikatu harpidetza-eskubideen eskualdaketari.
Burtsan kotizatzen EZ duten akzioen salmenta edo dohaintza
Irabazia edo galera kalkulatzeko, eskuratze-balio eguneratuaren eta eskualdatze-balioaren arteko aldea hartuko da kontuan.
Zein da eskuraketa-balioa?
Eskuraketaren benetako zenbatekoa edo balioa, oinordetza eta dohaintzen gaineko zergaren ondorioetarako, (baldin eta dohaintza edo jaraunspen bidez eskuratu baziren).

Eskuratze-balioaren parte da:
(+) eskuratzeari datxezkion gastu eta zergak (interesak izan ezik) eskuratzaileak ordaindutakoak.
(-) 2012ko urtarrilaren 1a baino lehenagoko harpidetza-eskubideak eskualdatzeagatik lortutako zenbatekoa, salbu eta eskualdaketa horietan lortutako zenbatekoa eskualdatzailearentzat ondare-irabazia izan bada eskualdaketa gertatu den zergaldian.
(-)Kapitala murriztearen ondoriozko ekarpenak itzultzeagatik jasotako zenbatekoa, jatorriko akzioen eskuraketa-balio zero bihurtu arte.
(-) Akzioak jaulkitzearen ziozko prima banatzea, jatorriko akzioen eskuraketa-balioa zero bihurtu arte.
Zein da eskualdaketa-balioa?
Eskualdaketa-balioa kasu honetan benetan jasotakoa da: zergadunak frogatzen badu balio hori bat datorrela merkatuaren ohiko baldintzetan alderdi independenteek adostuko zutenarekin.

Bestela, eskuraketa-balioa ezingo da izan bai hauen arteko balio txikienetik beherakoa:

1.Zergaren sortzapen-dataren aurretik itxitako azken ekitaldiari dagokion balantzearen ondorioz eskualdatutako balioei dagokien ondare-balio garbia, honako hau izanik:
  • VPN balore eskualdatuak = sozietatearen ondare garbia (Aktibo Pasibo Galdagarriak)/Akzio-kopurua.
2.Zergaren sortzapen-datan itxitako 3 ekitaldi sozialen emaitzen batezbestekoaren % 20ko kapitalizazioa + banatutako dibidenduak + erreserbetarako esleipenak, balantzeak erregularizatu edo eguneratzeko erreserbetarako direnak izan ezik.
Inbertsio-funtsen salmenta edo dohaintza
Inbertsio-funtsak ez daude PFEZn zergapetuta partaidetzak eskualdatu edo itzuli arte. Une horretan, ondare-aldakuntza bat sortuko da, irabazia edo galera, eskualdatze- edo itzultze-balioaren eta partaidetzen eskuratze- edo harpidetza-balioaren arteko diferentziagatik, hau da:

Errenboltso-balioa – Harpidetza-balioa = Zerga-emaitza (irabazia edo galera)

Partaidetzak erosteko prezioa biderkatu egiten da partaidetzaren harpidetza-urtearen arabera aldatzen den eguneratze-koefiziente batekin.
Oinordetzaren ondorioz eskuratutako inbertsio-funtsa. Zein da eskuratze-eguna?
Jaraunsleen kasuan, jaraunspena onartu zen dataren ordez, jaraunspenaren inbertsio-funtseko partaidetzen eskuratze-data kausatzailearen heriotza-data da (zuzenbide erkidea), edo testamendu-ahala baliatu den data (zuzenbide forala).

Heriotza gertatu edo ahala baliatzean partaidetza horiek duten balioa izango da, oinordetza eta dohaintzen gaineko zergaren araudiarekin bat, balio horri oinordetzaren zergan eskuratutako funtsak direla-eta jasandako zatia gehituta.

Balio horri dagozkion eguneratze-koefizienteak aplikatuko zaizkio.
Inbertsio-funts batetik besterako intsuldaketa. Irabazia edo galera zenbatu behar da?
Inbertsio-funtsetako partaidetzen itzulketagatik edo eskualdatzeagatik lortutako zenbatekoa inbertsio kolektiboko erakundeetako beste partaidetza batzuk erosteko erabiltzen bada, ezingo da zenbatu ondare-irabazirik edo -galerarik. Harpidetutako partaidetza berriek itzulitako partaidetzen balioa eta eskuratze-data mantenduko dute.
Inbertsio-funts bateko partaidetza batzuen titularra izateagatik, zozketa batean sartu naiz eta gauzazko sari bat jaso dut, nola tributatu behar da?
Parte-hartzaileen artean egiten diren zozketetan inbertsio-funtsek saritutakoei emandako sariak ondare-irabazitzat hartuko dira, eta atxikipenaren pean egongo dira.

Kasu honetan, konturako sarrera, gauzatzen ordaindu baitira.
Gozamena duten inbertsio-funts bateko partaidetzen salmenta
Bereizi egin behar dugu gozamenaren jabe soila; izan ere, aplikatu beharreko tratamendua desberdina da:

Gozamendunak gozamena eratu zenetik iraungi arte sortutako errenta guztiak jasotzeko eskubidea izango du; errentok kapital higigarriaren etekintzat joko dira, eta, beraz, oro har, PFEZean konturako atxikipena izango dute.

Jabe soila, hots, inbertsio-funtsaren partaideak ondare-irabazia edo -galera izango du, partaidetzen eskualdatzeagatik, eta aldi berean, ondare-galera bat konputatuko da, bat datorrena gozamena eratzen denetik diru-itzulketa gertatu arteko aldian inbertsio-funtseko partaidetzen diru-itzulketaren ondoriozko emaitza positikoarekin.
Kooperatiban baja hartzen duten edo partaidetzak eskualdatzen dituzten kooperatibistak
Kooperatibista bati baja emanez gero, bere ekarpen sozialak itzultzen zaizkio, eta horrek ondarearen osaera aldatzea dakar. Aldaketa horrek galera edo irabazi kuantifikatua sortuko du, jasotzen den zenbatekoaren eta zehaztutako partaidetzaren eskuratze-balioaren arteko diferentziagatik.
Informazio gehiago nahi izanez gero sakatu hemen.
Partaidetzaren eskuratze-balioaren kalkulua
Partaidetzaren eskurapen-balioa honako hauek zehazten dute:
  • Partaidetza horrek, hala badagokio, duen eskuratze-kostua.
  • bazkideak egindako hasierako nahitaezko ekarpena, ordaintzeko modua edozein dela ere (zehazki, epeka ordaindu bada ere);
  • Bazkideak ordaintzen dituen sarrera-kuotak eta aldizkako kuotak.
  • hasierako ekarpenen eta sarrera-kuoten ekarpen osagarriak, iraupen mugatuko bazkide izatetik bazkide mugagabe izatera igarotzearen ondorioz ordaindutakoak;
  • bazkideari esleitutako galerak, bazkideak itzuli dituenak, edo lehendik titularra zenaren itzulkinekin konpentsatu direnak eta Batzar Orokorrak araututako Funts Berezi batean sartuta daudenak, maiatzaren 6ko 3/2013 Instrukzioaren bigarren apartatuaren 2. zenbakiaren c) puntuan adierazitako baldintzetan.
Horrela finkatutako eskuratze-balioa moneta-zuzenketako koefizienteak aplikatuz eguneratzen da, aipatutako zenbateko bakoitza ordaindu den urtearen arabera.
Partaidetzaren transmisio-balioa kalkulatzea

Eskualdatze-balioa bazkideak eskubidea duen itzulketaren zenbatekotik abiatuta zehazten da, hau da, baja dela-eta kooperatibak egin diezazkiokeen kenkariak kontuan hartuta. Ondorioz, transmisio-balio horren parte dira:

  • bazkideak aldez aurretik egindako ekarpenak, itzuli egiten bazaizkio
  • kapitalizatutako itzulkinen zenbatekoa
  • aitortzen zaizkion ekarpenen eguneratzeen zenbatekoa.
  • bazkideak kooperatiban baja hartzen duen urteari dagozkion itzulerak edo estornoak, urte horretako kontuak onartzen dituen Batzar Orokorrean kuantifikatzen direnak.

Bazkideek kooperatiben kapitalari egindako gainerako ekarpenak baja hartzeagatik jasotzen duten zenbatekotik deskontatu behar dira, horrela eskualdatze-balioa lortzeko (ekarpen horiek ez dira ez eskuratze-balioaren ez partaidetzaren eskualdatze-balioaren parte).

Zer ez da deskontatu behar errenboltso-baliotik transmisio-balioa kalkulatzeko? Bazkideek egindako gainerako borondatezko edo nahitaezko ekarpenak, arestian aipatutakoez bestelakoak:

  • kapitalizatutako ekarpenen interesak
  • kapitalizatutako lan-aurrerakinak
  • bazkidearen titulartasunekoak diren eta Batzar Orokorrak araututako Funts Berezi batean sartuta dauden itzulkinekin egindako kapital sozialerako ekarpenak, maiatzaren 6ko 3/2013 Jarraibideko 2. zenbakiko c) puntuan adierazitako baldintzetan.

Ekarpen horiek ez diote bazkideari eskubiderik ematen kooperatibaren itzulera handiagoa izateko, zuzenean behintzat, baina bai interes handiagoak izateko. Sakatu hemen itzulkin kooperatiboen eta lan-aurrerakinen zerga-ordainketari buruz gehiago jakin nahi baduzu

Horrela kalkulatutako ondare-irabaziari, hala badagokio, PFEZaren Foru Arauaren lehen xedapen iragankorrean araututako eraispen-koefizienteak aplika dakizkioke.

Kapital higigarriaren bestelako irabazi edo ondare-galerak (ibilgailuak, kalte-ordainak, aseguruak, bestelako finantza-produktuak)
Finantza-produktu jakin batzuk daude, hala nola dibisen eta akzioen gaineko diferentzien ondoriozko finantza-kontratuak (CFD), aukeren eta etorkizuneko finantzarioen merkatuetan egindako eragiketak, baldin eta horien etekinak ondare-irabazitzat hartzen badira, ez baitute salerosketa-eragiketen nominala osorik ordaindu behar, eta, beraz, ezin dira hartu, zuzenean edo zeharka, haiek aurrez emandako ezein kopururen bidezkotzat.
Kriptoaktiboen salerosketa ere ondare-irabazi edo -galeratzat hartzen da, edo dibisen trukea edo metal preziatuen salmenta.

Aktibo hauei buruzko informazio gehiago nahi izanez gero, sakatu hemen.

Ibilgailu bat saltzeak ondare-irabazia edo -galera ere ekar dezake (kontuan hartuta ondasunaren kontsumoak edo higadurak eragindako ondare-galera ez dela konputagarria).
Ondare-irabaziak aseguruen hartzekoetan
Gaixotasunek, eguneroko baja-aseguruek, gauzei buruzko aseguruek eta abarrek eragindako banakako bizitza-aseguru baten pertzepzioek ondare-irabazi gisa ordainduko dituzte zergak.

Gainerako kasuetan (baliaezintasuna edo aurrezki-aseguruak izatea) kapital higigarriaren etekin gisa ordainduko dute zerga.

Erantzukizun zibileko aseguruetan, kalte-ordainak ondare-gehikuntza salbuetsiak izango dira legez edo judizialki aitortutako zenbatekoan. Eta soberakinak PFEZren zerga-oinarri orokorrean sartu beharreko ondare-irabazi gisa tributatuko du.
Kalte-ordain baten ondoriozko ondare-irabazia eta -galerak
Kalte-ordainek ondare-irabazia edo -galera ekar dezakete:
  • ondasun higigarri bati (ibilgailuak barne) egindako kaltea, jasotako kopuruaren eta kalteari dagokion eskuratze-balioaren zati proportzionalaren arteko aldeagatik.
  • Errentamendu-kontratua suntsiarazteagatik errentatzaileak ordaindutako kalte-ordaina:
    • Errentariarentzat ondare-irabazia da, eta haren sortze-aldia kontratua sinatu zenetik igarotako urte kopurua da, luzapenak barne. Arrazoi horrengatik lortutako errenta aurrezkiaren zerga-oinarrian sartu eta konpentsatuko da (baita errentamendu-eskubidea eskualdatzetik erator daitekeen ondare-aldaketa ere).
    • Errentatzailearentzat, higiezina erosteko balio handiagoa da (hobekuntza).
  • kalte-ordainen interesak, zordunak bere betebeharrak ez betetzeak edo horiek behar bezala betetzeko atzerapenak hartzekodunari eragindako kalte-galerak ordaintzeko. Kalte-ordaineko interes horiek ezin dute kapital higigarriaren etekinik sortu, hain zuzen ere, ordain-izaera dutelako, eta, beraz, ondare-irabaziak sortzen dituztelako.
  • Kostu judizialak, ordaintzen dituen alderdiarentzat, ondare-galera bat dira, zerga-oinarri orokorrean sar daitekeena, transmisio baten ondorio ez delako.
Ez-ordaintzeen, kredituen eta maileguen ondoriozko ondare-galera
Oro har, ondare-galerak zenbatzen dira oinarri orokorrean, ez baita ondare-elementurik transmititu. Adibidez: Informazio gehiago nahi izanez gero sakatu hemen
 
Sari eta jokoengatiko ondare-irabazia
Bezeroentzako sariak, dirutan zein gauzatan, ondare-irabazia izango dira hartzaileentzat, ondare-elementurik eskualdatzetik eratorria ez dena, eta, beraz, zergaren zerga-oinarri orokorrean integratu eta konpentsatuko dira; banku-erakundeek zergapetze baten truke bezeroei ematen dizkieten opariak, berriz, ez dira ondare-irabazia, kapital higigarriaren etekina baizik.
Loterías y apuestas del Estado erakundeak antolatutako zozketa-sariek karga berezia dute; gainerako zozketek eta sariek, berriz, oinarri orokorrean ordaintzen dute ondarearen irabazia.

Informazio gehiago nahi izanez gero sakatu hemen.
 

ERRENTA ZIRRIBORROA ALDATU BEHAR DUZU?

Gertakari edo zalantza ohikoenak
Non deklaratu ondasun higigarri bakoitza?
Burtsan kotizatutako akzioen salmenta edo dohaintza
  1. Sakatu «Gehitu kontzeptua».
  2. Bilatzailean, idatzi honako hau: Burtsan kotizatutako akzioen salmenta edo emaria.captura pantalla indicativa del apartado a seleccionar
  3. Hautatu kontzeptua eta sartu dagokion atalean.
Inbertsio funtsak
  1. Kontzeptua gehitu botoia sakatu.
     
  2. Bilatzailean idatzi "Inbertsio-funtsak” .captura pantalla indicativa del apartado a seleccionar
  3. Hautatu kontzeptua eta sartu atalean.
Harpidetza-eskubideen salmenta
  1. Kontzeptua gehitu botoia sakatu.
  2. Bilatzailean idatzi "Harpidetzako eskubidearen salmenta".captura pantalla indicativa del apartado a seleccionar
  3. Hautatu kontzeptua eta sartu atalean.
Non aitortu salmentak, sariak eta bestelako irabazi edo galerak?

Errentaren aplikazioan, higiezinen salmenta, burtsan kotizatzen duten akzioak, inbertsio-funtsak eta harpidetza-eskubideak aitortzeko atal espezifikoak aurkituko dituzu.

Hala ere, badira atal horretan egokitzen ez ez diren beste kasu batzuk. Horiek guztiak «Beste eskualdaketa, irabazi edo galera batzuk» atalean aitortu behar dira.

captura pantalla indicativa del apartado a seleccionar

Zer gako hautatu behar duzu «Gakoa» laukian?

Jarraian azalduko dizugu zer gako aukeratu behar duzun «Gakoa» laukian, egoera bakoitzaren arabera.

  1. Beste eskualdaketa batzuk (aurrezkiaren oinarria): ondasun edo eskubide bat eskualdatu eta irabazia edo galera ateratzen den eragiketa.
    • Eskubide baten salmenta
    • Negozio-lokal bat eskualdatzea, betiere lokal hori jarduera ekonomiko bati atxikita ez badago.
    • Berandutze-interesak.
  2. Beste irabazi/galera batzuk (oinarri orokorra): inbertsio-ondasun bat eskualdatu gabe eskuratzen dituzun zenbatekoak. Ondokoak barne:
    • Sariak.
    • Egikaritu gabeko erosketa-aukerak:
      • Aukera erabiltzen ez baduzu → galera aitortuko duzu.
      • Ondasunaren jabea bazara eta aukeraren truke kopuru bat jaso baduzu → irabazia aitortuko duzu.
    • Hartzekodunen konkurtsoan dauden enpresen akzioak edo partaidetzak, balioa galtzen dutenean.
  3. Kriptoaktiboak.
  4. Lehentasunezko partaidetzak, MPE eta menpeko zorra: ondoko inguruabarrei atxikitako egoerak barne hartzen ditu:
    • Titulua eskuratzearen deuseztasuna, epai judizial bidez emanda.
    • Produktu horien balioari eragiten dion hartzekodunen konkurtsoa.
  5. Kooperatibetako partaidetzen eskualdaketa datuak: honako hauek aintzat hartu behar dituzu:
    • Kooperatibako kide gisa baja ematea eta zure bazkide kontua itzultzea.
    • Kooperatibako kideak partaidetzak eskualdatzea.
  6. Balore higigarriak, eskualdaketa​​​​​​​: burtsan kotizatzen ez dutenak:
    • Kotizatu gabeko akzioak edo partaidetzak saltzea.
    • Ondasun higigarriak saltzea.
  7. Enpresa kengarrien irabazi/galera araubide berezia (galerak soilik lehiaketa edo likidazio kasuetan): Enpresaren konkurtsoa edo likidazioa dagoenean bakarrik aitortu ahalko dituzu galerak.
  8. Aukera 2/2014 Foru Araua (enpresa lehiaketa): Bidezkoa da hartzekodunen konkurtsoan dauden enpresei lotutako kasu zehatzetan.
Burtsan kotizatzen duten akzioen salmenta edo dohaintza
Kotizatutako akzioen salmenta barne hartzea

Errenta-zirriborroari datuak eman aurretik, honako balio hauek kalkulatu behar ditugu:

  • Transmisio-balioa
  • Eskuratze-balioa eguneratu gabe

Kalkuluak egin ondoren, Errentaren aplikazioan sartuko gara, eta datuak emango ditugu erregistro bat gehituz, kontzeptu honekin: Burtsan kotizatutako akzioen salmenta edo dohaintza.

Adibide batekin ikusiko dugu: Anek BBVAren 100 akzio saltzen ditu 500 euroan. Akzio horiek bi datatan erosi ziren:

  • 50 akzio 2010-02-24an, 475 euroan (9,50 €bakoitzean)
  • 50 ekintza 2015-2-24an, 445 euroan (8,90 €bakoitzean)

Erakunde gordailuzainak 3 euroko gastuak kargatu zituen erosketa bakoitzean, eta salmentan 4 euroko gastuak deskontatu ditu.

Kasu horretan, transmititutako akzioak bi datatan erosi ziren, eta, beraz, bi erregistro bete beharko dira.

Hurrengo bideoa ariketa desberdin bati dagokio, baina baliozkoa da. Bideoan erregistroak nola gehitu azaltzen da.

Negoziaziorako onartutako baloreen aukerako araubidea

Zure errentaren zirriborroak ez du erregimen hori automatikoki aplikatzen. Erabili nahi baduzu, zeuk aktibatu behar duzu Errenta programan.

Non sartu behar duzu?
Sartu kontzeptu honetan: "Burtsan kotizatutako akzioen salmenta edo emaria" eta behaldeko atal honetan "Negoziatzeko onartutako balioen ondare irabazietarako hautazko zerga ordainketa erregimena".

captura pantalla indicativa del apartado a seleccionar

Hemendik aukera markatu ahal izango duzu.

Erosketa batetik eta kapital-handitzeetatik datozen akzioen salmenta.

Akzioak hainbat unetan erosi dituzunean, kapital-gehikuntzetan barne, garrantzitsua da akzioen jatorria bereiztea. Horrela, ondare-irabazia edo -galera behar bezala kalkulatu ahal izango duzu.

Ikus dezagun adibide bat erabiliz: Anek, 2025/03/15ean, «Y» enpresaren 600 akzio saldu zituen 9.000 euroan. Akzio horiek urteetan zehar burutu diren hainbat eragiketetatik datoz:

  • Hasierako erosketa: 2005/06/15ean, 100 akzio erosi zituen 500 euroren truke.
  • Split edo bikoizketa: 200/07/01ean, enpresak split delako egin zuen eta Anek 400 akzio berri eskuratu zituen, baina guztizko balioa 500 eurokoa izan zen.
    • Horrek esan nahi du akzioen kopurua biderkatu egin zela, baina balio globala ez zela aldatu.
  • Kapital-handitze askatuak (doakoak): Anek beste akzio batzuk jaso zituen erabat doan:
    • 2010: 50 akzio jaso zituen doan.
    • 2012: beste 50 akzio jaso zituen doan.
  • Kapital handitzeak, ordainduta: Anek akzio berriak erosi zituen, kopuru jakin bat ordainduta:
    • 2015: 50 akzio eskuratu zituen, 100 € ordainduta.
    • 2017: beste 50 akzio erosi zituen, 100 € ordainduta.

Errenta-zirriborroan datuak adierazi aurretik, akzioak une eta eragiketa-mota desberdinetatik datozenez, ekintza bakoitzaren unitate-kostua kalkulatu behar duzu:

1. 2005eko hasierako erosketatik datozen akzioak

1. urratsa: Hasierako erosketa:

  • 2005: 100 akzio erosi zituen 500 euroren truke.

2. urratsa: 2005eko split edo bikoizketa.

  • Enpresak 4 × 1 splita egin zuen.
  • 100 akzioak 400 akzio bihurtu ziren.
  • Hala ere, guztizko balioa 500 eurokoa zen.
  • Batez besteko kostu berria:
    • 500 € / 400 akzio = 1,25 €/akzio.

3. urratsa: erabat askatutako akzioak

  • 2010ean eta 2012an, Anek doako 100 akzio (50 + 50) jaso zituen, 400 akzioetatik zetozenak.
  • Akzio horiek azken lotean txertatu ziren eta ez zuten kostua handitu. Beraz, lotea honela geratu zen:
  • Kostu bera zuten akzioak guztira: 400 + 100 = 500 akzio.
  • Eskuratzearen guztizko zenbatekoa: 500 €, hots balioa lehengoa da.
  • 2005eko lotearen batez besteko kostu berria = 500 € / 500 akzio = 1,00 €/ akzio.
  • 500 akzio guztiek, askatuek barne, honako ezaugarri hauek dituzte:
    • antzinatasuna: 2005
    • PFEZaren unitateko kostua: 1 €/akzio.

2. Kapital-gehikuntzetan eskuratutako akzioak, ordainduta. Akzio horiek kostu bereizia dute, 2005eko lotearena ez bezalakoa.

  • 2015eko gehikuntza.
    • 50 akzio erosi zituen, 100 € ordainduta.
    • Aleko kostua: 2 €/akzio.
  • 2017ko gehikuntza.
    • 50 akzio erosi zituen, 100 € ordainduta.
    • Aleko kostua: 2 €/akzio.

Akzio bakoitzaren unitateko kostua kalkulatu ondoren, bi zenbateko atera behar dira eragiketa bakoitzeko:

  • Eguneratu gabeko eskuratze-balioa.
  • Eskualdatze-balioa.

Datu horiek aplikazioan erregistratu behar dira hiru eragiketatan, bat egindako erosketa bakoitzeko (2005, 2015 eta 2017).

1. 2005eko eragiketa

  • Eskuratze-balioa: 500 akzio × 1 € = 500 €
  • Eskualdatze-balioa: 500 akzio × 15 € = 7.500 €

2. 2015eko eragiketa

  • Eskuratze-balioa: 50 akzio × 2 € = 100 €
  • Eskualdatze-balioa: 50 akzio × 15 € = 750 €

3. 2017ko eragiketa

  • Eskuratze-balioa: 50 akzio × 2 € = 100 €
  • Eskualdatze-balioa: 50 akzio × 15 € = 750 €

Nola adierazi behar ditu Anek datuak zirriborroan?

Urratsez urrats azalduko dizugu erregistroetako bat nola sortu. Gauza bera egin beharko duzu gainerako eragiketetan.

  1. Sakatu Gehitu kontzeptua botoia eta, bilatzailean, idatzi «Burtsan kotizatutako akzioen salmenta edo emaria». Hautatu kontzeptua eta sartu dagokion atalean.
  2. Egin klik «Erregistroa erantsi» botoian, eta sartu:
    • Eragiketa-mota: Hautatu «Eskualdaketa, amortizazioa edo itzulketa» aukera.
    • Gakoa: lauki horretan, hautatu «Salmenta».
    • Titulu-kopurua: adierazi eragiketa honen eraginpeko tituluen kopurua. Gure adibidean, 2025eko eragiketaren lehen erregistroan, hauxe adieraziko dugu: 500.
    • Titulartasunaren ehunekoa
    • Eskualdatze-data: gure adibidean, 2025/03/15ekoa izan zen salmenta-data.
    • Eskuratze-data: gure adibidean, hasierako erosketa-data 2005/06/15ekoa izan zen.
    • Eskualdatze-balioa: Aurretiaz kalkulatuta: 7.500 €.
    • Eguneratu gabeko eskurapen-balioa: Aurretiaz kalkulatuta: 500 €.captura pantalla indicativa del apartado a seleccionar
  3. Sakatu Gorde botoia.
Akzioen salmenta eta berrerosketa 2 hilabete baino lehen

Ikus dezagun adibide bat erabiliz: Anek burtsan kotizatzen duen X enpresaren 1.000 akzio saldu zituen 2025-01-05ean, 10.000 euroren truke. 2018-06-05ean erosi zituen akziook, 13.000 euroren truke.

  • 2025eko martxoan, akzio berak erosi zituen 11.000 euroren truke.

1.000 akzioren eskualdatzea erregistratzerakoan, erosketa-balioa eguneratu ostean, Ane ohartu zen emaitza negatiboa izan zela: -5899 €. Baina galera ez da 2025ean konputagarria, urte horretan bertan, balio homogeneoak eskuratu baitzituen salmentaren osteko 2 hilabeteetan.

Datuak adierazi aurretik, honako hauek kalkulatu behar dituzu:

  • Eguneratu gabeko eskuratze-balioa (2018): 1.000 akzio × 13 € = 13.000 €
  • Eskualdatze-balioa (2025): 1.000 akzio × 10 € = 10.000 €

Nola adierazi behar ditu Anek datuak zirriborroan?

  1. Sakatu Gehitu kontzeptua botoia eta, bilatzailean, idatzi «Burtsan kotizatutako akzioen salmenta edo emaria». Hautatu kontzeptua eta sartu dagokion atalean.
  2. Egin klik «Erregistroa erantsi» botoian, eta sartu:
    • Eragiketa-mota: Hautatu «Eskualdaketa, amortizazioa edo itzulketa» aukera.
    • Gakoa: lauki horretan, hautatu «Salmenta».
    • Titulu-kopurua: adierazi eragiketa honen eraginpeko tituluen kopurua. Gure adibidean, 1.000 €
    • Titulartasunaren ehunekoa: % 100.
    • Eskualdatze-data: salmenta-data: 2025/01/05.
    • Eskuratze-data: erosketa-data: 2018/06/05.
    • Eskualdatze-balioa: Aurretiaz kalkulatuta: 10.000 €.
    • Eskuratze-balioa eguneratu gabe: Aurretiaz kalkulatuta: 500 €.
    • Galera ez zenbagarriak, etorkizunean konpentsatu daitezkenak: lauki horretan, aplikazioak kalkulatutako galeraren zenbatekoa adierazi behar du Anek, kasu honetan, 5.899 €.captura pantalla indicativa del apartado a seleccionar
  3. Sakatu Gorde botoia.

Ondare-galera X enpresaren akzioak eskualdatu ahala integratu ahalko da, akzio horiek zergadunaren ondarean jarraitzen badute.

Enpresak langileei oparitu zizkigun akzio batzuk saldu ditut. Zer eskuraketa-balio dute?
2014/01/01etik aurrera enpresak langileei akzioak entregatzea salbuetsi gabeko lan-etekintzat jotzen da. Ondoren saltzen badira, langileei entregatzen zaizkien unean merkatuan duten balioa izango da haien eskuraketa-balio gisa.
Beste pertsona bati akzioak eman dizkiot. Akzioen dohaintza hori ondare-aldaketatzat aitortu beharko nuke?
Akzioen dohaintzak (kostu gabeko eskualdatzea) ondare-aldaketa bat sortzen dio emaileari.

Eskualdatze-balioaren eta eskuratze-balioaren arteko aldea positiboa bada, aurrezkiaren oinarrian sartuko den ondare-irabazia sortuko da.

Eskualdatze-balioaren eta eskuratze-balioaren arteko aldea negatiboa bada, konputatu ezin den galera bat sortuko da. Ezin izango da aurrezkiaren oinarrian sartu, eta hurrengo lau ekitaldietan ezin izango da konpentsatu.
Nola inportatu/esportatu mugimenduak akzioen salerosketan?
Web errentak aukera ematen du akzioak saltzeko mugimenduak inportatzeko/esportatzeko csv formatuko fitxategi batetik "INPORTATU/ESPORTATU CSV" funtzionaltasunaren bidez.
 

Zer egin nahi dugun galdetuko digu, inportatzeko, esportatzeko edo ezeztatzeko aukerekin

Importatu: 

Sistemak txantiloi bat ematen digu formatu egokian, eta bertan informazioa sartu, txantiloia deskargatu eta ditugun ekintza-mugimenduekin beteko dugu.


Informazioa osatu ondoren, txantiloian gorde eta ordenagailuaren kokapenean fitxategia hautatuko dugu edo arrastaka eramango dugu adierazitako lekuraino,
Fitxategia sartzean, sistemak zuzena den aztertuko du.
Hala ez bada, hurrengo pantaila agertuko da. Bertan, inportatutako erregistro guztiak bistaratuko ditugu, eta datu okerrak dituzten erregistroetan soilik emango da informazioa.

Oker gisa markatutako erregistroen gainean klik bikoitza eginez, edo "zuzendu" ekintza hautatuz, sistemak informazioa erakutsiko du, zuzenak ez diren eremuak adierazita, eta horiek zuzendu ahal izango ditugu.

Esportazioa

Esportatu ekintzak aukera ematen du zirriborroan lehenetsita dagoen informazioa deskargatzeko, edo sartu eta aldatu diren oharrak deskargatzeko, leiho bat irekiko du konektatutako erabiltzaileak fitxategia gorde nahi duen ekipamenduaren kokapena adieraz dezan (esploratzaile batzuetan zuzenean deskargatzen da "Deskargak" fitxategian). Fitxategia "csv" formatuan deskargatuko da.
 
Kooperatiban baja ematen duten kooperatibistak

Adibide batekin ikusiko dugu: Ane bazkide kooperatibo gisa sartu da, eta itzuli beharrik gabeko 800 €-ko zenbatekoa jarri du 2005-01-03an. Egun horretatik aurrera:

  • 24 hilabetez 300 €jarri zituen hilean (guztira, 7.200 €).
  • Egindako ekarpenagatik interesak kobratu ditu (horietatik 12.000 €bazkide-kontuan utzi zituen).
  • 20.000 €-ko itzulkin kooperatiboak sortu ditu, eta bere bazkide kontuan utzi ditu.

Guztira, bere kontuan, 2025ean baja hartzeko unean, 40.000 euroko saldoa du (ekarpenak + interesak + itzulerak). Eta zenbateko hori 4 urtez kobratzea erabaki du (10.000 €/ urtean).

Datuak eman aurretik, honako hauek kalkulatu behar dituzu:

  • Eskuratze-balioa = hasierako ekarpena + gainerako ekarpenak = 800 + 7.200 = 8.000 €
  • Eskualdatze-balioa = Kontuan guztira – kobratutako interesak = 40.000 €− 12.000 €= 28.000 €
  • Jasotako zenbatekoa = Jasotako urteko zenbatekoa × Transmisio-balioa/Eskuratze-balioa = 10.000 €× 28.000/40.000 = 7.000 €

Nola sartu behar ditu datuak Anek bere zirriborroan?

  1. Kontzeptua gehitu botoia sakatu eta bilatzailean idatzi "Beste eskualdaketa, irabazi edo galera batzuk". Hautatu kontzeptua eta sartu atalean.
  2. Egin klik "Kooperatibetako partaidetzen eskualdaketa" ataleko "Erregistroa erantsi" botoian, eta sartu:
    • Eragiketa-mota: "Kooperatibak. Ekarpenen diru-itzultzeak".
    • Titulartasunaren ehunekoa: adibidean, % 100.
    • Eskualdatze-data: kooperatiban bazkide gisa baja emandako eguna.
    • Eskuratze-data: ekarpenaren hasierako data; 2005/01/03.
    • Eskualdatze-balioa: aldez aurretik kalkulatuta, 28.000 €.
    • Eguneratu gabeko eskuratze-balioa: aurrez kalkulatuta, 8.000 €.
    • Programak automatikoki kalkulatzen du "2025ean jasotako zenbatekoa", baina ez dator bat benetan jasotako zenbatekoarekin (7.000 €). Horregatik, "Jasotako zenbatekoa transmisio-balioa baino txikiagoa da" laukitxoa markatu behar duzu.
    • "2025ean jasotako zenbatekoa" laukitxoa gaituko da; laukitxo horretan kalkulatutako balioa sartuko dugu: 7.000 €.
  3. Gorde botoia sakatu.captura pantalla indicativa del apartado a seleccionar


Eta hurrengo urteetan, gainerakoa kobratzen dudanean?
Kasu horretan, "Aurreko salmenten prezio geroratuaren kobrantza" atalean sartu behar duzu.
captura pantalla indicativa del apartado a seleccionar
Egotzi beharreko irabazia edo galera baja gertatu zen ekitaldiari dagokion eranskinean kontsulta daiteke. Kopuru bera edo zati proportzionala izango da, urte horretan jasotako zenbatekoa bat ez badator bajaren ekitaldian kobratutako kopuruarekin.

Bestelako irabaziak
Online pokerrean lortutako sariak
Beharrezko dokumentazioa
  • Erakunde gordailuzainaren egiaztagiria, baloreen zenbatekoak eta eskuratze- eta eskualdatze-datak adierazten dituena.
Egiaztagiriak gorde beharko dituzu, eta eskatzen zaizkizunean aurkeztu. Hala ere, zure aitorpena aurkeztean erantsi ahal izango dituzu, edo geroago Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Berrikusi simulazioa
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
24. errenta kanpaina 2026ko apirilaren 15etik ekainaren 30ra
Aitorpena gure BULEGOETAN aurkeztu, astelehenetik ostiralera, 08:30etik 19:00etara
94 406 6600
Emaitza kontsultatu eta aitorpena aurkeztu TELEFONO bidez
94 608 3000
Emaitza kontsultatu eta aitorpena bide ELEKTRONIKOaz aurkeztu

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?